مسآآء الخير ع الصبآيا الحلوآت ~
ان شآء الله اليوم كلكم بصحه وعآفيه ..
هذا بيكون آخر طرح ليآ بالنسبــه لبرنآمج ( Diet Without deprivation )
بتكلم اليوم عن النقطه الي منها رح تغير حيآة كل وحده بتعآني من السمنه ومشآآآكلها
ابغا اقولكم عن شيء قبل ما أبدا انا جاتني وحده تقولي انا بعد الحمل والولادة زاد وزني
وماعد نزل مع اني جربت حميآت كتــير بس مافي فايده وهيا كانت بالمره يئسانه من موضوع انها ممكن
تنحف فلما خبرتها عن طريقة الدايت الصحيحه قالتلي خلاص بجربها مع اني خلاص صرت
طفشــآنه من كتر ما اجرب في هالرجيمآت ،، لقيتها بعدين بالصدفه في مسجد يوم الجمعه وماعرفتها
فجاتني تقولي هلآ وكيفك وماعرفتيني قلتلها لا معليه ممكن تذكريني فلمن افتكرتها ما صدقت لانو
بالمــره تغير شكلها وانا اصلا كنت ناسيتها يمكن قبل سنتين او شيء كده لقيتها فقالتلي انا طبقت كل شيء
قلتيلي عليه وفي شهور قليله قدرت ارجع مثل قبل واحســن قلتلها طيب حلــو واستمري عليه لانو مافيه
اصــلا ضرر او حتى ينمل منو لانو قاعده تاكلي الاكل الي تحبيه وفي نفس الوقت بينقص وزنك *_^
.........................
نجـــي للمهم او زبدة الموضوع ،,،,
في ســآلفتنا الحلوه رح نطبق 4 قاعدآت مهمه عشآن نوصل للي نبغاه
1- رح نضآعف عدد الوجبآت الي نتنآولها يوميا << النقطه هذه مارح اتكلم عنها وبخليكم انتو تكتشفو ليش ؟!
2- شرب 8 اكواب من المآء يوميا طبعا مارح تقدرو مره وحده بس بنبدأ تدريجيا اول مره 4 وبعدين 6 الى ان نصل لـ8 اكواب
لان المآء يقوم باذابت الدهون المخزنه في الجسم وتحويلها الى جزيئات صغيره تخرج في الفضلات اكرمكم الله ..
3- ترك عادة الاكل اليلي او العشآء المتأخر لانه يجب يكون العشآء قبل النوم بساعتين ..
4- ترك الخمول والكســل والجلوس المستمر يعني بدل ما انتي تامري في الخلق قومي
وحركي عضلاتك شوي تبغي شيء قومي وجيبيه لنفسك تاني شيء اعملي سبورت يومي لجسمك
لا تقوليلي ما فيا حيل ما عمرك بتوصلي للشيء الي تبغيه الا اذا جاهدتي عشآنه مو فاضيه
خليها اسبوعيا يعني اختاري 3 ايام بالاسبوع وشدي ع نفسك فيها ترى كلها ساعه يوميا والسبروت
الي انا بنصح فيها 3 الركض ممكن يكون صعب شوي بس معليه لو حتى خمس دقايق تركضي فيها ..
المشي السريع و السبآحه هذه من اروع وافضل الرياضات الي ممكن ينصح فيها اي مدرب وطبيب
في الدنيا كلها حتى للي يعانو من امراض مزمنه او اي مشاكل افضل سبورت لهم الركض والمشي السريع
والسبآحه لو قدرتي تعملي شيء واحد منهم اعطيك فايف ستارز والله انجاز عظيــم منك وجهد تشكري عليه
لانو لهم فوائـــــــد عظيمه ما بيكفي نكتب كتب عنهم ..اضافه الى تمارين شد البطن ابحثو عنها لانها جدا رآئعه ايضا ..
.........................
قلنا بنضاعف وجباتنا من 3 الى 5 وجبآت رئيسيه لازم تلتزمي بتنآولها
طبعا هالوجبات الخمس بتعتمد ع اكلك الي تحبيه بس بتغير قليل فيه يعني
الطبخه الي انتي تحبي تاكليها وفيها كميه من الدسومه وحرمتي نفسك منها ماعد في مشكله
تاكليها تاني بس بشرط لازم تعتمدي في طهوها ع بدائل المواد الي كنت تستخدميها من قبل ((هنــآآأإ ))
يعني كل الوجبآت خليــها مزاجيه يوم كده ويوم كده انا مارح اربطك بشيء معين بس
انا افضل شيء بنصح فيه للفطور الكرون فلكس مع الحليب خالي الدسم الي كتير بيخافوا منو قال ايش بيســمن ؟!
اتركوا هالكلام الفاضي شوي ابغى افهم بس وين الدهون والسعرآت الحراره الي بينخاف منها تقريبا للصحن الواحد + حليب كامل الدسم 170 سعره حراريه تخيلي خالي الدسم ؟!
وايضا هذه وجبه تعتبر غير وجبه رئيسيه تؤدي الي السمنـــه !!
نجي لوجبة ما بين الفطور والغداء ممكن تاكلي فيها بسكوت وشآي او اي شيء بالنسبه للبسكوت انا بتكلم عن البسكوت العايدي من غير اضافات مثل الماري تقريبا فيه 7 سعرات حراريه يعني لو تنآولتي
نص الكميه ما بتأثر اما الشاي انا ابغا وعد من كل وحده نحآول قد ما نقدر نخفف كمية السكر الى ان نصل الى تركه نهائيا لان له مضــآر ربي لا يسمعكم وعشآن ما تطفشو مافي مشكله من وضعوا بين كل فتره وفتره
الغداء تفنني فيه وكلي الي بخاطرك بس برضو بعيد وكرر ادخلي ((هنــآآأإ )) ولا تنسي الخضآر والفواكــه جدا مهمه حتى لو بين الوجبيتين
مابين الغداء والعشآء ممكن تاكلي مقدار الكف من المكسرات المحببه لك مع كوب شكلاته سآخنه < شيء رووعه
يآريت تشتروا دايم الشكلاته الغير محلاه والداكنه مافيها اي نسبة حليب ..
والعشآء نخليه خفافي سندوتش لبنه بالزعتر او بيض او صحن فول وزيتون وقشطه عآد اسيب الاختيآر لست البيت
بس فوق هذا كلو نحآول نقلل الكمية يعني الرغيفين يصير رغيف البيض بيضتين العصير كاسه وحده الصحنين صحن وع هذا الحآل
كده تكوني قدرتي توصلي لعدد السعرآت الحرآريه الي لازم يكون مجموع سعرآت الوجبآت الي اكلتيها 1000 سعره حراريه
اما بالنسبه للرجل للمعلوميه لازم في اليوم يتناول 2000 سعره حراريه ..
وصلى الله وسلم على سيدنا محمد وع من تبعه بأحسان الى يوم الدين *_^
اي استفسار او سؤال انا جاهزه انتظر تطبيقاتكم وتجاربكم
ان شاء الله اطبقه من الان
ربنا يعطيك العافية