زمردة 100

هلا خيه ما أنصحك تستخدمين السفن لوحده لان أكيد بيسيل من شعرك وما أعتقد يعطي نتيجة بروحه
إذا ما تحبين الحنا استبدليه بالسدر وحياك حبيبتي


مشاعر هلا عمري
شلونك إنت إن شاء الله بخير وشلون الدراسة معك ؟؟

حبيبتي مع الحنا لا صبغ ولا خصل هذا اللي أعرفه لازم تنتظرين ستة شهور وبعدين حطي خصل على راحتك عشان لا يروح شعرك في الباي باي بعيد الشر

أحلى تحية لك ولأختك يا عسووووووووووولة :27:

حنين الفهد
فعلا كلامك سليم مئة بالمئة والعفوووووووو حبيبتي وحياك الله :27:

الواحة الغناء
أمل عمري
بنت الأحرار العرب
وكل البنات اللي ما شافوا أي نتيجة

بقولكمحبيباتي تجربة وحدة صديقتي ويمكن تعرفون من خلالها ليش ما حصلتوا على نتيجة حلوة

هذي سلمكم الله صديقتي سوت الخلطة أول مرة واستانست حييييل على شعرها وشلووون صار ناعم ويلمع
المهم شافتها وحدة من البنات وانعجبت بشعرها وطلبت من صديقتي تسوي لها الخلطة
قامت صديقتي وقالت لها ما فيه مشكلة بس أنا الحنا اللي عندي خلص لكن عندي حنا قديم صار له أكثر من سنة والبنت الثانية قالت مو مشكلة
صديقتي سوت الخلطة ولأن شعر البنت كان طويل فهي ضاعفت المقدار
المهم لما جات تحط السفن أب على الحنا (((السفن أب بعد كان قديم يعني كان بقايا غرشة عودة واللي هي استخدمتها سابقا في شعرها )))
لمن حطت السفن أب المفروض لو أنه جديد راح يفووور في الحنا بس هذا السفن مخلص الستيم حقه فصار كأنها حاطة ماي عادي
البنت الثانية اعتذرت من صديقتي وقالت أنها ما تقدر تحط الحنا عندها ظرف طاريء
فظل الحنا أكثر من 24 ساعة وهو يتخمر
الحين صديقتي قالت ياربي حرام أرميه خليني احط شوي في شعري
قامت وحطت الحنا في شعرها بشكل عشوائي يعني ما سوت خصل وحطت على خصلة خصلة
لما راحت بعد ساعتين غسلت شعرها الا شعرها صاير مثل الليفة وما تعدل الا لما سوت الخلطة لشعرها مرة ثانية وبنفس طريقة المرة الأولى

يعني إذا الحنا اللي عندك قديم أشتري غيره
السفن أب لازم تفتحينه وعلى طول تحطينه في الحنا
لا تخلين الخلطة تختمر أقل أو أكثر من ثلاث ساعات
سمعتي يا أمل عمري يعني الخلطة اللي زادت لا عاد تحطينها في شعرك اذا تبين سوي وحدة طازة
ولا تتركين الخلطة في شعرك أكثر من ساعتين مو عشر ساعات يابنوتة العرب الأحرار :27:
حلوة كولا أو بيبسي خليكي على مجنونك لا يجيكي اللي اجن منه

والامر الاخير لازم تقسمين شعرك خصل صغيرة مثل كأنك تفردين شعرك بمشغل وتحطين على خصلة خصلة وتتأكدي أن الخصلة صارت مشبعة من الحنا

يعني أنا شعري لعند الكتف وضعيف ورغم كذا اسوي المقدار 12 ملعقة وأزيد السفن شوي ولا أترك ولا شي من الحنا كله ألبخه في شعري :D
أتمنى إنكم تطبقون هالكلام بحذافيره عشان تبان معاكم النتيجة

تووولي
حياتي بنات استفادووا وبنات لأ تابعي النتايج اللي انكتبت وإنت تعرفين شسالفة

"دمعه صامته"

هلا بالغلا
إن شاء الله اصرارك يصير بمحله وبالتوفيق خيتووووووووو

موفقين لكل خير

جزاك الله خير
وان شاء الله اجربها هالاسبوع

رحوووبه مرحبا عيوني ..
انا بعدني ما داومت ان شاءالله السبت برووح للهم والغثا والغم تهئ تهئ تهئ:icon33:
وشعري يا بعد عمري صاااير يجنن نااااعم كنه مستشور وفيه لمعه والله و مررره فرحانه فيه مع اني اغسله بشامبو بسسس ما يتغير .. :icon28:
وقرقرت الآتي الا وهو ....

اذا عطلت في رمضان بحط في شوشتي الخلطه :30:

والخصل ما ابغى خلاااااااااص :16: خلينا طبيعيين :23:

وانا اختي نسلللممممممم عليك وحشتينا :26:

جمال الروح انت متاكدة ان الزيت يمنع الحنه من تلوين الشعر لان هذا ما ابحث عنه من فترةولان شعري به شيب قليل ويصبح لونه احمر ولاني اريد فائدة الحناء لا اللون اجيبي وجزاك الله تعالي خيرا

حتى انا ما ودي باللون الاحمر لما احط الحناء هل هذه الطريقة تمنع ذلك؟
وشكرا