تكفون اللي جربتها تعطينا النتيجة

استغفر الله واتوب اليه

بنات أنا جربتها فيني وفبنتي وخوات زوجي 5 يعني كلنا 7
صراحة جابت مفعول للكل.. احنا كلنا شعرنا ناعم بس متموج شوي من تحت حبينا يكون سايح بدون سشوار
والله ما أبالغ شعرنا صار ناعم أكثر ... وأكثر شي بانت اللمعه
صارلنا 3أيام ماتغير شكله
بس بأمانه بقولكم شو صار عندنا كلنا
انا لأني صابغة شعري من فترة بحنا ومغمقة لونه بوصفة قريتها فالنت
صار لونه وايد فاتح ومكان الشيب صار برتقالي (بس قلت برجع اغمقة بنفس الوصفة الاولى فآخر الموضوع بحطلكم الوصفة)
اهم شي استانست بالنعومة واللمعه حتى زوجي لاحظ الفرق
وثاني شي لما غسلته كان حلو بسسسسسسسس لما حطيت الشامبو صار خشن بشكل فظيع خفت قلت راح شعري بس حطيت حمام زيت ومشطة صار ناعمممم (ترا الصبغه هي السبب صار خشن مع الشامبو) بس البلسم او حمام الزيت يأدي الغرض

بنتي طلعت النتيجه فشعرها حلوووة لان شعرها طبيعي مافي صبغات صار ناعم ويلمعع

كلنا فرحنا فيها
بسسس وحدة منهم لأن شعرها اشوي خشن بصراااااحة وبأمانة ماتغير شي بس بانت اللمعة حست بنعومة خفييييفة بس مابينت
يمكن مب أول مرة للي شعرهم خشن

وانا طبقت الوصفة بالضبط فصفحة 7 لصاحبة الموضوع بس بدون ليمون

10 ملاعق حناء
1 ملعقة كاكاو
1 ملعقة نسكافيه
وعلبة سفن أب

ونحن جربنا كل الطرق الي قالوها لأننا 7 اشخاص بس نفس الوصفة
في اللي كانت حاطة زيت قبل ماتحط الحنا
وفي اللي حطتها عطول بدون زيت
وفي اللي حطتها مباشرة بعد العجن وفي بعد العجن بكم ساعة

أحلى ما في الموضوع (بنتي) كنت كل ما أصب علبة السفن أب خاطرها فيها وتصيح تبا
تميت كل ما افتح علبة اعطيها تشرب شوي واصب الباقي
اصلا كلنا متحسفين عليه لآنه بااااارد
بس كله يهون في سبيل التجارب
ومثل غيري اخلي مسؤوليتي بس حبيت انقل تجربتي
بالنسبة للي حابة تستعملها وخايفة على لون شعرها يفتح لونه تستعمل هالوصفة
بس ماتنعم مثل الوصفة السابقة

وصفة لتغميق لون الشعر
حناء
وشاي
ومرمريه
تثورين الشاي والمرمريه فالماي وتصفين (تشخلين) الماي وتخلطين الحنا مع الماي اللي صفيتيه من الشاي والمرمريه

وهذا اللي عندي طولت عليكم بس حبيت انقل تجربتي

شكرا لكم

غريب