الحنا يابنات .....مفيد وحل لكل المشاكل بس على الطريقه الصحيحه

هه الحين ببكمل كلامي مرتاحه هههه اهم شي اللي ينتظرون الموضوع لايزعلون اني تاخرت




طيب وصلنا للتطويل لعشان شعرك يطول لازم وفرض وضروري تخلطين الحنا بالسدر ...ممكن لو السدر يجفف شعرك حطي الكميه ثلث سدر بثلثين حنا
وللجفاف حطي زبادي بالخلطه وزيدي مغلي مي ببصله صغيرة وكم فص ثوم ...اغلي هالمغلي لين ماتصير الميه حقته مصفرة


اللي تبي شعر طويل معليش لازم تتعب ...الحين جهزنا الخلطه ..السدر االحنا ..المغلي ..لما يبرد المغلي نخلطه ونتركه ٣ ساعات ...يختمر ثم نوزعه على شعر نظيف بس مغسول بمي ومتسرح
لازم تكون فروة الشعر رطبه
ونتركه مو اقل من ٤ ساعات ولا لما يجف لا خليك وسطيه
الحين جا وقت الغسيل اغسليه بمويا بسسس ..والاطراف حطي لها بلسم
او حمام الكريم بوناويل ..او فاشكول ..لللاطراف بس

ونشفيه بفوطه بدون دعك ..خليه براحته لما ينشف ..سرحي شعرك
لو تبغين يطول لازم تظفرينه او تلمينه
ممكن لو متقصف شعرك ..تقصين الاطراف وتبدين الرحله العلاجيه بالحنا
في طريقة للتطويل بالقهوة جيبي قهوة واغليها ممكن تصفينها ممكن لا براحتك انا اجيب قهوة تركيه غاااامقه ومااصفيها
واخلطها الحنا مقدار قهوة بمقدار حنا واخلطها بمويا ...واكمل نفس الخطوات


في بناات مو هدفها التطويل تبغى بس صحه وجمال ...هنا براحتها تسرحه زي ماتبغى ..موشرط تظفره
انا الأن عامله خلطة حنا وابغى لونه غامق
هرست شمندر مسلوق...ومغلي شاي ..وبضيف حنا بس
سويته الحين بحطه الصبح خمس ساعات
وبغسله وبسوي بلسم للاطراف


بعد ماتسرحين شعرك ان شديتيه ببنس بتخصلين شعر زي لو استشورتيه


للشيب ...سوي اي خلطة حنا باللون اللي تبغين مثلا حطي خلطة الحنا والقهوة ...وبعده بكم ساعه يعني لما ينشف
سوي كتم وزبادي وحطيه على اماكن الخصل الشايبه ..واتركيه ساعه
واغسليه
وبرضوا الكتم لااازم نجيب نوعيه ممتازة ونظيفه وكتم حقيقي
احيان يكون مغشوش ...وهذا اللي يخلي الناس تقول الكتم يضر الشعر


الكتم مايضر لو نوع نظيف ومو مخلوط


للأمانه احيان يصير معي هوووس حنا ...واحني مرتين بالاسبوع
واستمر بالشهور ..لذلك اقولكم الحنا معجزة للشعر وامدحه صااادقه
لأني استمريت لقيت نتيجه ...اللي بتسويه مرة بالشهر او تسوي وتقطع ماراح تحصل نفس النتيجه
بس برضوا من مره تشوفين ا
نتيجه مشجعه ...


دايما نقول علاج الشعر يبدا من الداخل صح
لذلك ثلاث حاجات ركزي عليها لو تبغين شعر قوي وبشرة حلوة ..الجرجير البندورة والخيار
شرب الماء كثير ...

اللي توصل للون حلو وماتبغاه يروح ويخف لاتزيت شعرها الزيت يسحب لون الحنا
اللي عادي مايهمها بعد الحنا بيوم تزيت شعرها ..كانت لي تجربة لاتنسى مع الزيت والحلبه وعندي نية العودة لها
شي عجيب ..
اي عنايه اهم شي الاستمرار ..
اعرف وحده ماااشاء الله عليها شعرها مضرب مثل
عنايتها فيه يوميه ...بس ترى طريقتها شوي صعبه مو كل احد يطبقها ...تخفف الشامبو بماء وسدر وتغسل فيه
تقول احب ريحة الشامبو ....ولا السدر لوحده اصلا منظف للشعر
بعد نصيحه اليوم مثلا حنيتي ..بكرة سوي حمام زيت بس بزيت ناعم مثل السمسم ..او الحلبه او اللوز الحلو ..اختاري واحد لاتخلطين
بعده بيوم او يومين اغسلي شعرك بمغلي قهوة وسوي مساج ...بعد ماتصفين القهوة اكيد
او جيبي الصبار وخذي الجيلي اللي داخله وخففي بماء ودلكي فيه شعرك
او سوي مغلي زعتر او ميراميه ..كل الاعشاب الطبيعيه النظيفه اللي تكون جديده تعطي نتيجه فارقه للشعر كلن صحه او طول او كثافه
سمي باالله كلما سويتي شعرك او سرحتيه آثر التسميه عجيب سبحان الله

اخيراااا
كنت مستنيتك من امس
الله يجزاك خير
طيب نبي صبغات بالحناء تعرفين؟ بدون بروكسيد اشياء طبيعيه بس

اي ياقلبي انا آآآسفه طولت بس والله تو فضيت للموضوع
اي لازم بدون بروكسيد ...ولاكيف
لانه يحرق الشعر
مثلا اللون البني
سوي مقدار حنا ..مقدار نسكافي مغلي خليه ثقيل ..يعني كيف ومزاج ..وحطي نتفه من صبغة القهوة الصفرا .اللي يحطونها بالقهوة
طيب
الحين جيبي نصف ليمونه ..اعصريها على كاس مويا ..دلكي شعرك بالليمون المخفف وسرحيه
وحطي خلطة الحنا
جربيها ثلاث مرات ورى بعض
وادعي لي بينك وبين ربي
للون تماااااااام كنت اشوفه علي عادي بس سويتها لوحده وانبهرت بالنتيجه
الليمون يفتح الشعر ويصبغ اللون اللي تبغين
بس لاتحطين زيوت بهالفترة هي تسحب اللون