الحنة للشعر ؟!

السلام عليكم ورحمة الله وبركاته ؛

بداية : تقبل الله صيامكم وقيامكم .. وخصوصا في العشرة الاواخر..
اللهم اجعلنا من المغفور لهم في هذا الشهر الكريم..

أخواتي ..
قبل فترة سمعت عن فوائد الحنة للشعر .. وانها تطول وتكشف وتمنع التساقط وكمان تخلصو من القشرة ..
ودا طبعا شي معروف خصوصا انو من الوصايا النبوية..

مشكلتي انو شعري ساير يتساقط وخف عن اول (والله حارقلي قلبي)
فقلت ابغا احني شعري وما يفرق معايا اللون (لانو ما يعجبني اللون الاحمر مرا )
بس سمعت انو تقدري تلوني لون الحنة على حسب ما تبغي..
يعني ممكن تعملي بني , احمر , بتنجاني , اشقر ( بس دا يكون للي اساسا شعرهم اشقر) , وكستنائي..

فانا ابغا اللون الكستنائي لانو زي لون شعري..
وقريت كزا طريقة بس فيها اشياء مختلفة..
يعني مرة يقولو خلو الحنة من 5_6 ساعات وفي طريقة انو خليها 24 ساعة في راسك >>دي اشك فيها
وفي طريقة انو ساعة تكفي..

هوا شكلو باختلاف لون الشعر والدرجة الي تبغيها..
وكمان في خلطات حنة لتساقط الشعر الي هوا تحطي معا قشر الرمان ..
وفي لتقل الشعر انك تحطي معاه حلبه..
انا بصراحة ابغا اجمع كل دي الوصفات مرة وحدة + لون الشعر الي ابغا كستنائي فهل يسير..
يعني اخاف بعد ما اعمل كدا الاقي شعري سار الوان قوس قزح ..:icon33:

خلاصة الكلام..
الي عندها خبرة في صبغ الشعر بالحنة ياريت تفيدني..
يعني اقدر اجمع الحلبة والبابونج وقشر الرمان ,والليمون والكركديه مع بعض ..
وقد ايش المدة الي اخليها في شعري..
بليز لا تتاخرو عليا
لانو والله شعري ساير مرة معدوم وخايفة يطيح كلو وما يبقى شي...:44:


وشكرا ليكم..:27: