الحنه العجيبة عاجل .... عاجل /قديم

اهلا يابنات شلونكم
عندي موضوع كامل عن لحنه العجيبة وهذا تجربة شخصية واللـــــــــــــــــــه والـــــــــــــــه
وحبيت افيد كل وحدة شعرها مجعد لان اعرف شكد مزعج هذا الشي
بالبداية انا من العراق وعدنل نسميها الحنه الاماراتية
انا كان شعري مجعد كثير ومو حلو وكثير خليتله كريمات تسريح وشامبوات واشياء كثيرة لكن بدون فائدة وكنت دائما اشسورة لان شكله يلعب النفس بدون شسوار
صديقتي نصحتني بالحنه العجيبة وقالت تسوي الشعر جنان
انا بالبداية اترددت لكن بعدين كلت اجرب مخسرانه شي
المهم خليتهه على شعري 3 مرات والله ماتتخيلون شلون صار شعري مثل شعر زينب العسكري بالضبط والله حتى انا ماصدكت وكل اهلي من شافو شعري ماصدكوا وكلهم حطوا حنه مثلي لان شي جنان وشعر اسود ولامع وسرح بدون شسوار او اي شي
المهم هيه عبارة عن مادة تشبه الاسفلت تلزك على الشعر وتبقى 24 ساعة على الراس واهم شي ماتلفين شعرج انتي وخالتهه حتى الشعر يصير عدل وبدون كسرات وتجاعيد بعد ماتحطيهه تغطين شعرج كلة باكياس نايلون المهم انو تسوين الحنه مو ساءلة يعني متماسكة
وبعدين ثاني يوم تغسليهه بالماء فقط طبعا يحتاج ساعة كامله تحت المي حتى تطلع من الشعر
انتي بعد ماتغسليهه راح تنصدمين لان تشوفين شعرج صار خششششششششششن ومابيه حياة وراح تحسين نفسج خربتي شعرج ووتدعين على الي كلج حطي حنه
المهم راح تحطين الزيت الي يجي مع الحنه لمدة 5 ساعات على شعرج وبعد ماتغسلين الزيت تحسين شعرج صار اسرح 70% اكثر لكن تحسيه خشن ومابيه حياة
بعد يومين حطي حمام زيتي لشعرج او زيت السمسم او زيت ( تريشوب ) او حطي حمام زيتي نوعية زين انا استعمل ( فروكتس ) من كارنير لان ينعم الشعر من تحطيه وتغسليه راح تشوفين شعرك صار ناااااااعم وفرق وكل مرة تحطين لشعرج حمام زيتي او زيت للشعر بيصير انعم
المهم هاي الحنه تحطيهه 3_ 4 مرات حسب شدة التجاعيد قوتها وكل مرة تحطيهه تحسين فرق قوي حييييييييييييل وطبعا هيه متسوي تساقط بالشعر بالعكس تقلل التساقط والشي الوحيد الي يخرب شعرج بعد الحنه اذا حطيتي صبغ لشعرج لان الشعر يبقى اسود فاحم ومايتغير ابد واذا خليتي صبغ يتلف شعرج بقيه لونه اسود وهو كتير حلو
هذا كل شي عن الحنه واتمنى افيدكم لان هذا الشي تجربة شخصية وشكراً