لا أختي الحنيني مو عصيده بالتمر ...انا اقصد الحنيني المشهور حسب طريقة القصيم وما يكون سائل ابدا

لا إله إلا الله محمد رسول الله

جاري التنفيذ يارب تزبط معاي ودي اسوي العريكة

العريكة مااعرف اسويها لانها موب لنا لأهل الجنوب اما الحنيني كل ناس لهم طريقه ناس يسرونه بخبز البر الي من المخابز وتمر وناس تسويه بسمن وعسل اما انا يا اهل سدير طريقتنا غير اول شي تعجنين عجينه بر عباره عن كاسين طحين بر ملعقتين زيت ذرة ملح ملعقه صغيره بيكنج بودر ملعقه سكر وأربع ملاعق حليب جاف تخلطينهم وتعجنينهم بمويه دافيه عجينه زي حقت الفطائر وخليها ترتاح ربع ساعه جهزي زيت كثير للقلي قطعي عجينه الى دوائر وافرديها بيدك وخلي الزيت حامي حطي العجينه ورخي النار ورشيها بالزيت اول ماتطلع فوق الين تنتفخ وتستوي من تحت اقلبيها اذا تحمست حطيها على شبك حطي بس وحده وافرديها وحده ثانيه وخليها ثقيله لاترققين العجينه عشان لاتتقطع ويصير فيها من جواء عجين زي حق الخبز وكملي الين تخلصين كل الخبز حشري كوب مويه مع ملعقتين حليب وحطيها في صحن عميق حضري المحضرة وحطي فيها ست تمرات خذي الخبز وقطعيه اربع وغطيها غطسه في الحليب وحطيه في المحضرة مع التمر واطحنيهم لاتكثرين اربع خبزات وكرري نفس الشي الين تخلص كمية الخبز والتمر اذا التمر شوي زيدي شوي بلا لاتكثرين عشان يصير منتثر الحين خذي نص اصبع زبده وذوبيها وصبيها في قدر الحنيني اضيفي لها ملعقة هيل ملعقة زنجبيل ملعقة فلفل اسود ورشة حبة البركه اذا حبيتي وحركيهم وحطي شوي سكر تقريبا فنجالين واربع ملاعق عسل وحركيهم وخليها على نار خفيفه وكل شوي تعالي حركي الين يذوب السكر ذوقيها اذا تمام قدميها انا نحب ناكلها مع اللبن وناس تحبها مع الحليب اما المحلى او عصيدة التمر يبيلها شغل جيبي تمر وحطيه في قدر مع شوية زبده قطعه صغيره ومويه كثيره وخليها على النار الين تطبخ خليها ربع ساعه جيبي مشخله واشخلي التمر وخذي بس المويه وحطي زبده تقريبا نص أصبع وخليه تذوب مع المويه حطي سكر تقريبا ثلاث فناجيل وخليه يطبخ شوي اذا وذوقي اذا حاليه ولا زيدي سكر لانها لازم تصير حاليه شوي حطي ذرة ملح وفلفل اسود وجيبي طحين بر تقريبا اربع كاسات وشلي القدر عن النار وخليه يدفا شوي حطي الطحين دفعات وحركي وحطي دفعه وحركي الين توصلين لقوام سال بس زي قوام خليط الكيك اذا كانت جامده زيديها مويه دافيه شغلي عليها النار تكون مره مرخية وغطيها بقصدير خليها ساعه بعدين حركيها بالمعصاد او الملعقه الخشب نزيليها على الارض وحركيها ورجعيها ساعه ثانيه بعدين اعصديها بتلاحظين ان لونها صار لونها بني اغرفيها في بوادي ورشيها بالسمن او الزيده والفلفل الأسود