الحواجب الصينية بدون حف وعجينة حواجب

السلام عليكم

انا عضوه يديده وهذي اول مشاركه لي وأول موضوع اطرحه
و****لله يعجبكم

وعندي افكار وايد بالمكياج و****لله راح اقولكم عليها كلها
وهذي أول فكره

الحواجب الصينيه الموضه جربيها بدون حف وبدون عجينه حواجب

انا أقول لكم شلون

1- بعد مانحط الكريم الأساس على الوجه وقبل بودره الأساس نحط بالفرشه الصغيره على نص الحاجب ( المكان اللي نبي نخفيه) .....

( كريم خافي العيوب اسمه cover derm ) اكيد تعرفونه الي شكله مثل المعجون لأن فيه أشكال وايد
اهو يستخدمونه لإخفاء الجروح والوحمات على الوجه والجسم ،، هذا هو السر

نحطه بالفرشه على شعر الحاجب بكميه تغطي الشعر لدرجه ماتشوفينه

2- نحط بودرة الأساس بالأسفنجه بكميه كبيره عليه بس لا تمسحين .. ضغطي جنج قاعده تلزقين البودره على الكريم ( قبل ماينشف) وكملي بودرة الأساس على كامل الوجه


3- رسمي حاجبك بالشدو الكريمي وبالفرشاه الضعيفه وكملي الخط وطلعي فيه لي بره (عارفين الرسمه طبعا) وحطي شدو أبيض تحت الحاجب


ملاحظه
(اذا كانت حواجبك سميكه وقويه او شعر الحاجب شوي طويل مشطيهم بجل الشعر بالعرض يعني لزقيهم على بشرتك ونطري ليمه ينشف)

( تنفع هذي الطريقه حق اللي ما يحفون حواجبهم ويغطون بالكريم الشعر الي مو مرتب)

وبس و****لله يعجبكم موضوعي
منقول للافادة وللحلوين اللي دايم يفيدوني فانا احب اجيب كل مفيد لعيون بنات حواء