الحوامل البحرينيات.. بغيتكم لو سمحتوا.

عزيزتي انا انصحك تدوري عياده تسوي سونار رباعي الأبعاد....سبحان الله يوريكي كل شي بوضوح وانشالله مافيه مجال للغلط.

هلا فيج حبيبتى انشا الله اني اقدر اساعدج فانا بهالحمل جربتهم كلهم شوفي فوزيه كمال تاخذ عشرين دينار وتسوي لج بنفس الوقت بدون فايل او غيره ومتواجده الصباح لساعه 12 ظهرا واربع لساعه ثمانية ونصف وعيادتها بتكون عند عذاري مقابله محطة البترول بس جهازها عادي بيكشف الاجزاء وهي بنوته او ولد وكيس الماء والحجم بس ما بيكشف الملامح والله انى جلست مفتحه عينى بالجهاز مافهمت ولا شي .....
وجربت مستشفى التخصصي بالجفير بيكون اخر الجفير جنب البحر من توصلي الجفير بتلاقي اعلانها ومشي عليه لين توصلي طبعا قبلها روحي اخذي موعد بالتلفون او بزيارة بدون فلوس وبعدها روحي بالموعد بيجهزون الفايل وبيسون لج سونار الصراحه احس جهازهم اوضح من فوزيه كمال شوي بس بعد ما تبين الملامح بس احسها ادق بالكشف وانا طلبت يسون حركة البيبي بشريط فيديو وسجلته وهي تكشف بس ثوانى ويوم شغلته ما فهمت منه شي زي الصور اللي اشوفها بالنت وكل مكان الشريط بدينار ونصف والفايل والكشف بواحد وعشرين دينار قالو لي تبين دكتورة فرح العراقيه او دكتورة هنديه وطلبت العراقيه بصراحه روحها حلوة افضل من فوزيه كمال ومتقاربين بالسعر .... انا رحت بالشهر الخامس والسادس والسابع لان عندي مشكله كانت بالحمل واللي اكتشفتها بصراحه دكتورة فرح ...مرة التخصصي ومرتين فوزيه كمال لانها اسرع وقريبه من بيتنا ...

hello kitty
اهلييييين اختي ومشكوره ع النصيحه بفكر فيها ان شاء الله.
يعطيج العافيه عنوني ع المشاركه.

أم بدور
اهليين اختي وتسلمين الصراحه ما قصرتين كفيتي ووفيتي.
بس ما قلتي لنا ضبط معاج جنس البيبي ولا كل وحده قالت
لج نوع غير؟؟
ابي اعرف فوزيه كمال شنو قالت لج بالضبط يعني كانت وااااااثقه
وهي تقول لج جنس البيبي ولا حسيتيها متردده؟؟
بانتظارج عنوني.

ويييييييييييييييييين باقي الحوامل 16 قراءه وماكو الا ردين؟؟
؟؟؟؟

هلا حبيبتى بالنسبه لسؤالك كلهم قالو لي بنوته الحمد لله ومرتين فوزيه كمال زرتها قالت بنت اول شي كنت باخر الرابع وباخر السابع يعنى تطمنى 99 بالمية تقول صح واهلي كلهم يروحون عندها لتحديد الجنس ويطلع صح بس انشا الله تكونى طفتى الشهر الرابع عشان يبان انتى باي شهر حبيبتى اشوفك متحمسه ....