الحوامل البحرينيات .. ممكن تساعدوني؟؟

بسم الله الرحمن الرحيم

السلام عليكم ورحمة الله وبركاته .. شلونكم .. شخباركم .. عساكم طيبين :27:
انا بغيت منكم خدمة .. انا حامل في الشهر الرابع .. كان عندي موعد في المركز الصحي قبل اسبوعين بس بصراحة ماحسيت براحة لان الدكتورة تفحص فحص باليد وتتاكد من السكر والضغط وبس :( .. هذا غير ضياع الوقت والتعب كان موعدي الساعة 7.30 ورجعت البيت الساعة 11.30 وقت طوييييييييل وفحص بسييييييييييط .. وعطوني الموعد الجاي بعد شهر .. عشان جذي قررت ان اروح لدكتورة خاصة سواء في مستشفى خاص او عيادة خاصة حتى تتابع لي الحمل يكون احسن لي .. وفي الوقت اللي ابيه .. واطمئن اكثر

ممكن الحين ياحوامل يابحرينيات تساعدوني .. وتقولون لي افضل الدكتورات في البحرين اللي تتابعون حملكم عندهم.. :cool:
ولكم مني جزيــــــــــــــــل الشكر