الحوامل اللي مامعهم شغاله ببيتهم تعالوا بغيت اسألكم ..

هلااااااااا يالغاليه

انا ياعزيزتي ماعندي شغاله وماعمري جبته من يوم تزوجت ماواطن ريحتهم في البيت .......

واقوم بشغلى بروحي وفي بنتي الاولى كنت متغربه وماحولي احد بس ربك اللى ييسر .............

وفي حملي الثاني صراااااااااحه رحت عند اهلي لان بنتي كانت بعدها صغيره وصعب اوفق بينهم

بس في النهايه رجعت بيتي يعني مابقعد عمري كله عند اهلي ..........

والله كاااااااااااان تعب تعب تعب بمعنى الكلمه وخاصه انهم اثننيتهم الله يخليه تحت السنتين
يعني غيار ورضعه وقومة الليل اللى ماتخلص ..........بس ارحم من ني ادخل بيتي شغاله ........

والحين كبروا ماشاء الله وصاروا يفهموا فاحتمال اجيب شغاله والله يعين على الغثاء ......

هلاااا خيتووو :26:
اي والله صادقه مايرتاح لهم الواحد بس صعبه وش عاد تسوين يحتاجهم الواحد ..
انتي لما كنتي بغربتك كيف قدرتي مثلا تمسكين بنتك من رضاع ومن تغيير ومن اهتمام وبنفس الوقت وراكي زوجك ومسؤوليات البيت ؟؟ يعني متى تطبخين مثلا ؟؟ او تنظفين البيت عموما؟؟

مرررحبا اختي انا الان حامل وب الشهر الخامس وهذا حملي الثاني والله يوم ولدي الاول شفت النون وما يعلمون بدون شغاله تعب مافيه نوم ولا ترتيب للوقت ابد كل وقتك له والان ناويه الله لايعوقني بشر اجيب شغاله وش حادني ما اكشخ واسهر مع زوجي واطبخ له وارتب بيتي دائما ومزاجي يكون رايق واروق لعيالي ان شاء الله ان ضد انك تضغطين على نفسك وتقصرين في حقوقك عشان انك ماتبين شغاله وبعدين اشياء كثيرررررره تخليك تجيبنها بس تعبت من الكتابه ههههههه

اختي انا ماعندي شغالة وانا حاليا باليابان ولما اجيت كان عمر ابني سنتين ونصف وحملت وجبت بنتي باليابان وانا لحالي وما في حواليي حدا وهلق حامل وعمر بنتي 9 شهور وابني 4 سنين والحمد لله بطبخ وبشتغل البيت وبهتم باولادي والحمد لله الله بعين بس ما عليك اختي غير انك تطبقي حديث الرسول عليه الصلاة والسلام(- أن فاطمة عليهما السلام شكت ما تلقى في يدها من الرحى ، فأتت النبي صلى الله عليه وسلم تسأله خادما فلم تجده ، فذكرت ذلك لعائشة ، فلما جاء أخبرته ، قال : فجاءنا وقد أخذنا مضاجعنا ، فذهبت أقوم ، فقال : ( مكانك ) . فجلس بيننا حتى وجدت برد قدميه على صدري ، فقال : ( ألا أدلكما على ما هو خير لكما من خادم ؟ إذا أويتما إلى فراشكما ، أو أخذتما مضاجعكما ، فكبرا ثلاثا وثلاثين ، وسبحا ثلاثا وثلاثين ، واحمدا ثلاثا وثلاثين ، فهذا خير لكما من خادم ) .

:26: :26: :26:

هلا اختي غلا الدنيا

انا الان عاشر سنه زاوج وهذا رابع حمل لي وما عمري جبت شغاله الا وقت نفاسي بولدي الثالث لأني ولدت ببيتي وجبت شغاله ببداية حملي هذا وماكملت عندي خمس ايام غثتني وخليتها تمشي

بالنسبه لسؤالك عن التوفيق بين العنايه بالطفل وشغل البيت
انا بجاوبك
اول شي لااااااازم تجيبين شغاله وقت نفاسك لأن فترة النفاس لازم ترتاحين فيها وممكن تخلينها عندك لمدة شهر او شهرين بعد ماتخرجين وبعد كذا تقدرين تستغنين عن الشغاله اذا نظمتي وقتك

اهم شي تنظيم الوقت وترتيب البيت اول بأول
بالنسبه للمواعين .. كل شي غسليه بوقته واذا تعودتي على هذا النظام راح ترتاحين
والغاز والأرض والرخام كل ما انكب عليهم شي امسحيه بوقته
الملابس .. غسليها يوميا او حددي يوم لكل مجموعه .. مثلاا السبت ملابسك
الأحد ملابس زوجك
الأثنين ملابس اطفالك
وانا عن نفسي اغسل الملابس يوميا الا اذا كنت تعبانه اأجلها لليوم اللي بعده
الكوي .. هو الطااااامه الكبرى بالنسبه لي لكن من يوم حملت زوجي الله يخليه لي صار يودي ملابسه للمغسله يكوونها والحمد لله نص الحمل رااااااااح ما بقى الا ملابسي وملابس عيالي وهذي بسيطه الحمد لله
اكوي ملابس الخرجه وملابس البيت اطبقها ووالحمد لله مو لازم اكويها لهم :42:
السيراميك امسحه كل يومين
المجالس كل اسبوع " يوم الأربعاء " انفض الكنب وامسحها واكنسها
غرفة ترتيب خفيف يوميا واذا شفت الدولاب او الادراج تحتاج ترتيب عميق ارتبها على حسب فضوتي
وغرفة عيالي انا معودتهم انهم يرتبونها بنفسهم وانا اكنسها وامسح السيراميك وارتب لهم الأسره لنهم ما يعرفون يرتبونها زين :42:
والحمامات الله يعزك مرات اغسلها يوميا ومرات كل يومين على حسب نضافتها لأن احيانا تبقى نظيفه واغسلها كل يومين

وعموما انا احب اخلص شغل البيت وزوجي بالدوام وعادة البيت كلللله ما ياخذ مني اكثر من ساعتين

ونصيحه لووووووووووووجه الله لاتعودين طفلك على الشيل والهزهزه ترى الطفل اذا تعود على الشيل راح يتعبك ومستحيل تقدرين تنظمين وقت اذا كان بكاي :06:

بقي نقطه وحده وهي الترتيب العميق للبيت ( غسيل الستاير .. وتنظيف المفارش والموكيت .. ودعك الكنب .. وترتيب دولاب المطبخ وتمسيحه....... الخ
هذا ما راح تسوينه الا مره بالشهر او الشهرين

وممكن اذا اهلك عندهم شغاله تستعينين فيها او تستأجرين شغاله مؤقته او تسوين لنفسك جدول شهري وتخلصين كل شي بيوم لحال

والله يعينك ياااارب وما يحرمك الأجر
واهم شي انك تحتسبين كل شي تسوينه لوجه الله تعالى وابشري بالأجر العظيم ان شاء الله اذا احتسبتي