يالوفي..................
انتبهي على حالك يعني لازم ترتاحين نامي ظهرك وارفعي رجولك فوفق هدي الالم جاتني وانا في الخامس لما رجعت بيتي كنت اشتغل بس الدكتوره نصحتني اني ارتاح يعني مااتحرك
بعدين رجعت عند اهلي وارتحت ولا اطلع اي مكان يعني محبوسة في البيت :eek:الى الحين والحمدلله بكرة راح اخلص الثامن


جوري المطيري............
كيف الآلم اللي جاتك عشان انا هدي الآلم بدأت تجيني يعني احس بالآلم وانا مرتاحة مااتحرك كأنه مغص الدوره من ظهري ورجلي ومن بين بطني ورجلي

عندي مراجعة يوم الاربعاء مستعجله متى يجي الاربعاء ابى الطمن حاسه انه البيبيهات راح يطلعون لما يتحركون من تحت مرمر وهدي الآلم اللي تجيني نفسي اعرف من ايش يارب يستر علي وعليكم نفسي اكمل الثامن والدخل التاسع عشان لما اولد مايحتاجون لحضانه وافرح :icon28:بشوفتهم بعد هدا التعب كله

اب

شخباركم ياكروشات.....:):)
غبت عن الموضوع اكثر من اسبوعين لظروف السفر:42:
بس زعلتوني ماحطيتوا اسمي في اللستة:angry2:
باقي لي كم يوم وادخل السادس
قالت لي واحد ولد والثاني لسى:):)

مسا ءالخيرات على الجميع ان شالله انتم والبيبيز بالف صحه وعافيه
سلامات يالوفي ماتشوفين شر اقري على نفسك سورة البقره ولا يضيق صدرك ومسحي بطنك بمويه مقري فيها لو انتي تقرين فيها
والزمي الراحه علشان يخف الالم ولازم تراجعين دكتورتك علشان تطمنين وطمنيناعليك
بنات ماتدرون عن اسرار

اشلونكم يا حوامل التوينز اسمحولي على التاخير والسبب هو طبعا انشغالي مع الصغار الله يخليهم لي ، واحب ارد على الي سالوني ولادتي طبيعي والا قيصري ،ولادتي كانت طبيعي الحمد لله ، رحت المستشفى في الاسبوع 37وكان الرحم فاتح 2سم فقالت لي الدكتورة لازم اظل في المستشفى وتحت الملاحظة وظليت في المستشفى يومين وظل الرحم مفتوح 2سم ولما جات الدكتورة قالت لازم نسوي طلق صناعي وحطو لي الطلق وبدا الالم يزيد وجات الممرضة تكشف قالت مفتوح 4سم ودوني طبعا غرفة الولادة وكان الالم شديد جدا وكان معي زوجي وامي واختي ويوم ودوني غرفة الولادة كانت الساعة التاسعة وجات الدكتورة تكشف على الساعة 12قالت الرحم مفتوح 4سم فقط وقامت بفتح موية الجنين وبعدها الالم يزيدو يزيد وانا ادعو الله ان يفرج علي وظليت على هالوضع الى قرب آذان الفجر والالم يزيد راح زوجي لصلاة الفجر قال بدعي الله ان يفرج عليج وعلى آذان الفجر سبحان الله الالم زاد وجات الدكتورة تكشف قالت مفتوح عشرة ولادة سبحان الله الدفع كان سهل جدا طلع الولد اول شي بعدها حسيت ان كل الآلم راحت بعدها بربع ساعة حسيت بالم خفيف مع الم الدفع وطلعت البنت والحمد لله رد زوجي من المسجد قالوا له ولدت فحمد الله تعالى، لا تخافون يا اخواتي وعليكم بالدعاء دائما بالولادة الميسرة وقراءة سورة مريم يوميا.ولا تنسوني من الدعاء