سمسمة***** :

يا مساء الخير عليكم بمناسبه الشرا والشوبينج ماتيجو نصحصح ونفيد بعض وخصوصا اننا عندنا توائم ما شاء الله تعالوا نكتب قايمه بالمستلزمات اللى هانحتاجها وكل واحده تعمل اقتباس للقايمه دى وتزود عليها اللى هيا شايفاه وتبقى مرجع وكل واحده طبعا واللى هيا شايفاه ممكن تشوفى حاجه ضروريه انا ماشوفهاش ضروريه والعكس نبدأ بسم الله ليكى انتى **طقم رضاعه اللى هوه قميص وروب وبيبقى فى القميص فتحه للرضاعه وممكن بقى معاه قمصان رضاعه بنص كم او كم زى ماتحبى وبيبقوا قطن ومطرزين يعنى ممكن يشوفوكى بيه فى المستشفى(انا جيبته من السعر المنافس ب 55 ولذيذ خالص) **براهات للرضاعه اللى هيا بتتفتح من قدام اسهل ويا ريت تجيبى براهات تكون بترفع كويس منعا للترهلات عشان تقل الصدر فى الفتره دى **البريست بادز..عارفينها دى البتاعات المدوره اللى بتتحط على الصدر جوه البرا عشان تمتص اللبن وهدومك ماتتبلش انا شفت كذا نوع منها عند سنتر بوينت ومحلات كتير وسعرها معقول **بانتيهات البريود اللى هيا استعمال مره وبتترمى ودى انا لقيتها الكيس فيه 6 تقريبا ب 8 ريال عند سنتر بوينت وهيا مقاسات **كريم لتشققات الحلمه **عباية استقبال للسبوع ان شاء الله وعبايات قطن للاستقبال العادى ويا ريت تكون ليها سوسته او زراير من قدام البيبى بقى الملابس الداخليه **لكل بيبى 6 فانلات حسب الفصل بقى اللى هاتولدى فيه وانا بفضل نص كم فى كل الفصول هههه وتكون بكباسين من تحت عشان تبقى محكومه **6 اندرات قطن **6 بناطيل بيضاء قطن للاول مع الجلاليب او بتسموها المرايل **3حزام وسط وانا جيبته من سنتر بوينت ب 3 ريال قطن ابيض ساده وده فايدته انه بيتلف حوالين الوسط فبيمسك ضهر البيبى يبقى مظبط فى الشيل مش طرى كده وخصوصا لو حد صغير شاله وده وارد **حفاظات بقى حسب النوع اللى بتفضليه وتكون اصغر حاجه عشان التسريب ملابس البيت **لكل بيبى 2 جلابيه او مريله قطن كيوت كده ويا ريت بيضاء وانا جايبه الواحده ب 8 ريال وعليها شريط دانتيل على الصدر كده عسوله ودول من السعر المنافس وطبا عنده البيج كمان عسوله(ودى اللى هايطلع بيها البيبى من غرفة العمليات ويلبسهم اول 3 ايام بس هههه) **3 سالوبيت بيت قطن ونوعى فى الالوان ماتلتزميش بالبينك واللبنى دول بيبهات لبسيهم كل الالوان **3 بافيته عشان اثناء الرضاعه لو فيه قشط **3 فوطه صغيره بتحطيها على كتفك لما تيجى تكرعى (تجشأ يعنى)البيبى عشان هدومك انتى **3 لفه قطن للبيت كل الالوان برضه ودول موجودين فى السعر المنافس وطابا والهرم ب 10 ريال مش لازم بتوع سنتر بوينت اللى ب 45 ريال عشان تجيبى كتير ههههه **3 جوانتى للايد عشان تحميه من الخدوش وكمان لما يبتدى يجيب ايده ناحية بقه **3 لكلوك قطن وانا لقيت الواحد ب 3 او 4 ريال تقريبا فى الهرم والسعر المنافس وشغالين للبيت **3 طاقيه حسب لون كل سالوبيت وتكون قطن ملابس الخروج **لكل بيبى 2 سالوبيت شكله ظريف بقى ممكن سنتر بوينت عنده سالوبيتات كط جينز وقطن ظراف ويبقى تحتهمسالوبيت قطن اللون اللى يعجبك **2 شراب صوف والوانهم تحفه وفيه منهم اللى بشكل لكلوك كيوت خالص **2 صندل وبلاش شوزات من اولها لان الصندل اخف وسهل اللبس ودول رجليهم طريه خالص ودول الواحد ب 8 ريال عند الهرم وطابا والسعر المنافس وسناء وكل الحتت دى واشكالهم تحفه **1 لفه قطن خفيفه لو الجو كويس 1** لفه بطانيه لو الجو برد **2 بافيته لو هاياكل وانتى بره ودول حسب لون لبس الخروج **2 طاقيه حسب لون اللبس الرضاعه **لكل بيبى بيرونه بلاستيك او زجاج (وفيه دراسات بتقول ان الزجاج بيتفاعل مع اللبن فيستحسن بلاستيك بس ماركه كويسه) بس نوع نضيف للبن **ببرونه بلاستيك او زجاج نضيفه للاعشاب **فرشاه لتنضيف البيبرونه **جهاز تعقيم الببرونات(وده غالى شويه بس مفيد للى امكاناته تسمح) **شفاط ثدى للبن (بتنفع لو ربنا اراد برضاعه طبيعى وانتى خارجه عشان الاحراج) **لو بتشتغلى يبقى محتاجه زجاجات لتخزين اللبن (لو طبيعى ) **حلمات للبرونات **بافيتات للبيت والخروج قلناه قبل كده **فوط بتحطيها على كتفك بيت وخروج برضه عشن بعد الرضاعه ولما الطفل يتجشأ ودى قلناها قبل كده الحمام **بانيو بلاستيك وفيه منه اللى بييجى برجلين وده اظرف **مفرش الحمام وده واقى الطفل وده فيه منه اسفنج او بلاستيك بيتسند عليه البيبى فى البانيو عشان مايتزحلقش **لعبه للبانيو **مستلزمات العنايه عباره عن:شامبو وشاور جيل وزيت للبيبى وكريم الحفاضات وبودره (بس بيقولو بتسد المسام ويا ريت بلاشها)واسفنجه للاستحمام والمناديل المبلله **فرش ومشط **ميزان حرارة الحمام **ترمومتر للبيبى **قصافة اظافر **لفات التنشيف وبتبقى خامتها زى الفوط **فوطه صغيره لتنشيف وش البيبى **منضدة التغيير وحذارى توطى لما تيجى تغيرى وخصوصا لو والده قيصرى ده غلط على العمليه اتصرفى وخصصى اى حاجه عاليه تغيرى عليها الغرفه **سرير كبير ياخد البيبيهات كلهم فى الاول **لعبة السرير **طقم اللحاف **ملايات للسرير **كيس البيبى اللى بيبقى عامل زى اللحاف وله سوسته لو الجو برد تحطيه فيه او بطانيه للغطا **جهاز المراقبه بيتحط جزء فى غرفته وجزء فى غرفتك **شخشيخه ولعبه لينه للنيو بورن الخروج **عربة اطفال **مقعد سياره **حقيبه للغيارات **كارى كوت او كرسى البيبى لو بتحبى دى كل اللى انا افتكرته ومش هاجيب انا كل الحاجات دى واللى هاجيبه مش عاوزه يبقى فيه اسراف عشان الحرمانيه مش معنى انى اقدر يبقى اجيب ويا ريت كلنا ناخد بالنا من النقطه دى عشان ربنا يكرمنا فيهم ان شاء الله وبكرر تانى مش ك الحاجات دى بتتجاب يعنى ممكن اوى البكريه هايجيلها هدايا منهم كتير واللى والده قبل كده عندها حاجات كتير ممكن تجيب عليهم بقى شوية رفاهيات وكمان الاعداد دى حسب كل واحده بس برضه بلاش كتير خصوصا فترة الاربعين لان ولادنا توائم واحجامهم صغيره وكل اللبس هايترمى بسرعه

يا مساء الخير عليكم بمناسبه الشرا والشوبينج ماتيجو نصحصح ونفيد بعض وخصوصا اننا عندنا توائم ما...

سمسمة***** :

الاسم الاسبوع ميعاد الولاده المتوقع ان شاء الله سمسمة***** 21 18/9

الاسم الاسبوع ميعاد الولاده المتوقع ان شاء الله سمسمة***** 21 18/9