SHAINY STAR :

سلام للجميع:26: كلي امل.. شكرا على الرد كفيتي ووفيتي الكنوز.. هلا والله كيفك وكيف كتاكيتك سمسمة.. كيفك الحين ان شاء الله تحسنتي dalo90.. هلا حبيبتي بالنسبه لي ماأفكررر ابدا بالاسامي كل تفكيري ان الحمل يمر على خير واشوفهم بين ايديني بصحة وسلامة وأتوقع اغلبية البنات كذا وين بقية البنات طمنونا على اخباركم عني انا لي يومين اطلع الدرج وانااااام بغرفتي الي لي شهرين ونص غايبه عنها اشتقت لها بنام فوق لحد وقت الربط الاسبوع الجاي وبعدها برجع انام تحت :44: وكمان احس بشئ غريب هذا الاسبوع الم جاني مرتين بالساق كأن شئ ينسحب منه والمرة الثانية بركبتي معقولة هذا له دخل ان الاجنة تسحب الكالسيوم ؟؟

سلام للجميع:26: كلي امل.. شكرا على الرد كفيتي ووفيتي الكنوز.. هلا والله كيفك وكيف كتاكيتك ...

زهرة ايلول92 :

الله يعينك على الوحام حببيتي ترى انا ظليت متوحمة لاول الخامس:06:و بالنسبة لتحسس الروائح لساتني لساتني وااااااااااااااااااااااااااااااااااع و لو تشوفي هلا كرشي كانني بالتاسع او العاشر بطلت احب اشوف حالي بالمراية بالنسبة للمراجعة انا بعرف الحامل بتوأم لازم تراجع كل اسبوعين احكي للدكتورة و الله يعينك و يعيننا كلنا هدي اعصابك و خففي من الخوف ترى كلنا في الهوى سوى ان شاء الله بس تجيبيهم و تتهني فيهم رح تنسي كل التعب( بحكي مع حالي) و هينا كلنا موجودات نسولف و ندردش و نهدي اعصاب بعض:D ربنا يثبت حملك و يسهل ولادتك يارب

الله يعينك على الوحام حببيتي ترى انا ظليت متوحمة لاول الخامس:06:و بالنسبة لتحسس الروائح لساتني...

~ كلي امل ~ :

مشكورييييييييييين ياحلوات ... طبعا انا حملت بتوأم ثنائي ... وكان الحمل طبيعي الحمدلله وبفضل دعائي المستمر اني احمل بتوأم من جنس واحد .. طبعا اول ماعرفت اني حامل بتوأم فرحت وحمدت ربي وبعدها بدأت العنايه بالحمل ... طبعا بطني برزت من الشهر الثالث وانا ماعلمت احد خخخخخخخخخخخخخخ بس كان فيه كثير يقولون بطنكـ كبيره شكلكـ حامل بتوأم وانا كنت انفي وواضح اني خرطييييي .. لما وصلت الشهر الخامس تعبت من الكحه اللي ذبحتني لا اأقدر أنام ولا شي ... رحت وسويت التراساوند وقالت لي أحد الأجنه نازل تحت بسبب الكحه الشديده ... ولازم راحه ... والحمدلله ارتحت هذيكـ الفتره تقريبا اسبوعين لحد ماأنقطعت الكحه وارتحت يارب لكـ الحمد ... وكل هالوقت وانا اسوي حليب بالزنجبيل ... وفادني كثير وع فكره هو مره كويس للي تحس بالغثيان لانه يشيل الغثيان اللي يجي مع الوحاااااااااااااااااام:09: لما توصلين لشهر السابع كأنكـ بالتاسع ... من الثقل والتعب ... لكن بمجرد تحسين بالحركه سبحان الله تنسين كل شي ... كنت اجلس ع فراشي واتابع حركاتهم ... وكانت وحده اهدى من أختها ... لما كنت بالشهر السابع قالت لي الطبيبه انكـ حامل بولد او بنت ... بس انا قلت لا أكيد بنتين لاني حلمت بهالشي وفسره لي المفسر اني راح اجيب توأم من جنس واحد ... وهذا كانت امنيتي وانا صغيره << ياخزياه من يومها صغيره وهي تفكر بهالأشياء :35: بس إصرارها علي انه ولد وبنت شككني وقلت الحمدلله راح أبدأ اجهز بس اني ماكنت مقتنعه ... وجهزت كلهم مثل بعض بس بأختلاف الألوان ( سماوي + زهر ) في هذي الفتره صرت اراجع عند مستشفى الملكـ فيصل التخصصي بالرياض ولانه سبق لي وولدت فيه بنتي البكر ... وعجبني فيهم الأهتمام الكبير ونظافتهم ونفسيتهم الحلوه .. وسوولي إلترا ساوند ... وقالت انه وحده بنت بس الثاني مو مبين مره .. والغريب انهم كل وحده بكيس مختلف ولكن المشيمه وحده سبحان الله ... ومع ذلكـ كانوا مختلفين بالشكل متشابهين بالأطباااااااع ... لما وصلت الشهر الثامن رجعت سويت التراساوند وقالت لي الطبيبه انهم بنوتي مثل القمر << وهـ بس وهـ وقتها طرت من الفرحه لانه رب العالمين حقق مرادي الحمدلله .. وقلت بالنسبه لتجهيز اللي كان للولد بأعطيه لأي أحد يرغب فيه .. أحسن من انه يتعب نفسه ويجهز خصوصا اني مجهزه كل شي من طقطق لسلام عليكم ... واللي عطيتها الملابس مع الأسف ماكان لها نصيب هي والبيبي فيه الله يرحمهم ويغمد روحهم الجنه :44: في نهايه الثامن قالت لي الطبيبه انه وحده من التوأم جاهزه للولاده بشكل طبيعي لكن الثانيه مازالت جالسه يعني ماأنقلبت ... وأحتمال عمليه قيصريه وأنتي لكـ الخيار ... إما أنكـ تولدين طبيعي ولو ماأنقلبت الثانيه نولدكـ قيصريه مباشره من غير مانأخذ رأئيكـ ... او انكـ من الحين تقررين وتطلبين قيصريه ... بالبدايه خفت وترددت لاني ماأبي القيصريه وابي كل شي طبيعي ... ولما رجعت البيت كنت ناويه انه كل شي بإذن الله بيكون طبيعي لاني مقرره احاول اول شي طبيعي ولو رب العالمين ماكتب لي مو مشكله ع الأقل اكون ريحت ضميري ... واستخرت الله ورجعت لطبيبه وقلت لها راح احاول طبيعي اول ... وانا في آخر يوم لي بالثامن قالوا لي فيكـ طلق بس وقتها ماكنت احس وبنفس الوقت فرحت لان الثقل والتعب بيروح بإذن الله قريب ... لقيت طبيبه ثانيه غير اللي اتابع عندها وقلت لها سويلي فحص داخلي وتأكدي من الرحم هو مفتوح او لا .. ولما سوت لي قالت مفتوح 3 سانتي ماشاءالله تباركـ الله وأنه بالكثير يومين وانا والد .. وهذ الكلام كان السبت .. (( ع فكره يابنات نصيحه وقت الكشف الداخلي لرحم ارخي نفسكـ لا تحولين تشدين عشان ماتتألمين وتتعبين ... وحتى لو حسيتي بألم ارخي ... لانه الشد بيتعبكـ اكثر .. وانا جربت الثنتين ولمست الفرق )) وفعلا بعد يومين نزل علي دم وبلغت زوجي بالموضوع وقالت له وأخذت شنطتي اللي كنت مجهزتها من قبل للمستشفى وحطيناها بالسياره ورحت لأهلي عشان احط بنتي ... ومابلغت احد باللي فيني ... ولما كانت الساعه 9 كان يجيني الم كل ربع ساعه ومنتظم ... رحنا من عند اهلي ع اساس اني ابي امشي بالحديقه .. وفعلا رحنا ومشينا ولما خلصنا وانا بالسياره بدأ الالم يزيد كل 10 دقائق وشوي شوي صار كل 5 دقائق رحت للمستشفى وأهلي للحين مايدرون ... وع الساعه 11 كشفت علي الطبيبه وقالت مازال 3 سانتي وراح تجلسين عندي ولو جاء الصباح والألم شغال والرحم مافتح راح اعطيكـ طلق صناعي ... انا دعيت ربي انه يفتح قبل الصباح ولا أخذ الصناعي لاني جربته ومتعب مره ... ولما جت الساعه 3 الفجر كشفت علي وقالت 4 ونص .. الحمدلله يارب يعني ماراح اخذ طلق صناعي ... وانا قبلها ماخذه إبره بالعضل عشان تريحني شوي من الألم لكنها ماتخفيه .... وع الساعه 5 الفجر اشتد الألم وطلبت إبره الظهر ...لانه راح يعطوني إياها من غير مشوره حتى لو ماولدت الثانيه طبيعي يصير يقدرون يحولني قيصريه .. وجاني الطبيب وعطاني إياها ماشاءالله كان سريع ويده خفيفه ... والإبره اللي أخذتها ماكنت شكه وخلاص .. لا كانت مثل المغذي يعني الإبره بالظهر وفيها ملي مثل المغذي جلست بعدها ثلث ساعه وأختفى الألم سبحان الله وجلست اسولف واضحكـ مع زوجي ... ووقتها امي كلمتني الساعه 6 الفجر لاني بلغتها لما قالوا تنويم للولاده وقالت بتجي بس انا رفضت قلت لها لا توني مافيه بوادر ولاده << عشان ماتجي خخخخخخ:p ... ويوم جت الساعه 8 تقريبا صار الألم محسوس لانه مفعول الأبره بدأ ينتهي وطلب يركبون الثانيه .. بس طبعا يشيلون اللي معلقه مثل المغذي ويركبون غيرها .. بس مافيه شكه إبره مره ثانيه :D وع الساعه 9 جتني امي ... وجلست معي ونسولف ونضحكـ وبنفس الوقت كنت ادعي ان رب العالمين يهون علي ويسهل امري واولد طبيعي ويكون بناتي بصحه وعافيه وسلامه .. جتني الممرضه وقالت لازم اركب لكـ قسطره لاني من اول وأنا رافضتها خخخخخخخخ بعدها سلمت امري لله وقلت طيب خلاص ركبيها ... وهي تركبها لي أثريها كشفت علي وانا مأدري لاني مااحس شي ... وقالت مدام الرحم 10 سانتي ماشاءالله يلا ولاده .. طبعا رحت ع غرفه العمليات .. وانا جالسه اتفرج وهم يجهزون ادوات العمليه وانا أقول بإذن الله ماراح احتاجها .... دخلت علي طبيبتين + 4 ممرضات لي و 2 اطباء اطفال و 1 طبيبه اطفال +4 ممرضات لبناتي ... وماشاءالله الرجال كانو محترمين جدا وماكان يلتفتون علي يعني معطيني ظهورهم لاني والله ماأحب الرجال وقت الولاده يشوفني بهذا المنظر :44: وع الساعه 11,50 جبت بنتي الأوله ولما ولدتها شالوها ع صدري والله يابنات اني بكيت لاشعوريا :icon33: وانا جالسه اناظرها وابوسها والممرضات يناظروني ويتبسمون وموقفين عن شغلهم خخخخخخخ بعدين استوعبت المنظر وعطيتهم بنتي وقالوا لي متى ماحبيتي ادفعي الثانيه لانه الطلق برد سبحان الله ... طبعا جلست احاول لمده ربع ساعه وبعدها شرفت الأموره الثانيه وكانت الساعه 12,4 ... وأخذوا الحلوات وكشفوا عليهم .. الثانيه كانت شوي تعبانه من صدرها التنفس كان صعب شوي بس الحمدلله بعدها جابوها لي بعد ساعه وياحبي لهم وهم جنبي .. لما جا وقت الليل كنت اناظرهم وانا خانقتني العبره واحس بتعب لاني شايله همهم كيف بأربيهم وأختهم لسى صغيره كان عمرها 3 سنوات .. اي نسيت اقولكم ان الإبره شالوها مني وقت مابغيت اطلعى ... وبعد تقريبا 3 او 4 ساعات والله ماني ذاكره بالضبط بدأت احس برجولي ... وأخر اليوم كنت احاول اتحركـ بمساعده الممرضات ... لانهم يخافون علي ... << دلع :22: طلعت البيت وعدت الأربعين ع خير صحيح انهم كل شوي يصحون بس كان وقت نومهم مع بعض وقومتهم مع بعض .. كنا نتناوب انا وأمي عليهم ... وأختي مع بنتي الكبيره .. بس لما رجعت بيتي كان التعب كله علي وكل شوي تقومين بالليل عشان الحليب ولا الحفاضه الله يكرمكم .. بس كل ماكبروا كل ماأرتحتي أكثر ... الحين ماشاءالله تباركـ الله كلموا السنه .. لكن شقاوتهم متعبه ...يتعبوني لما يروحو لدرج تشوفوني مطارد معاهم ... ولا لما يلعبون بالتلفزيون ويخربون علي خصوصا لما اطنشهم وأناظر التلفزيون كأنهم يتعمدون ... ************ الخلاصه :: عيشي كل يوم من حملكـ وكل لحظه بإبتسااامه وفكري بالمستقبل .. وانهم راح يكبرون وتزيد شقاوتهم وحلاوتهم .. لا تفكرين بالبتعب وتجهدين نفسيتكـ ع اوهام انتي اختلقتيها ... كل أقري ع نفسكـ وع اللي في بطنكـ .. وتتبعي حركاتهم داخل بطنكـ وتخيلي شكلهم وكيف هم اشقياء ولاهادين ... ولما تولدين لا تقولين تعب سوي مثلي كل ماشفت الموضوع متعب قلت بإذن الله بكره يكبرون ويساعدوني ... يكبرون ويحلوون .. عيشي كل لحظه بلحظه ... ولما يكبرون وتتذكرين كل هالأيام اللي من الحمل لحد ماكبروا راح تضحكين .. صوروهم من ينولدون لحد مايبتسمون ويحبون ويضحكون ويستهبلون ... كلها بتكون ذكريات حلوه ... اشتري لهم كتاب وسجلي فيه كل شي من الوقت اللي حملتي فيه لحد ماصاروا قدامكـ ... تواريخ ولاداتهم ... متى ظهرت اسنانهم .. متى حبوا متى انقلبوا متى مشوا ... او مره يركبون المشايه ... ولا تنسين بصمه كفهم ورجلهم ... ولصقي صورهم من يوم الألتراساوند لحد ماكبروا ... أحتفظوا بالأساور حقت المستشفى اللي كانت بيدهم او رجلهم ... صوريهم مع الممرضات اللي يشرفون ع حالتكـ ... صوريهم وهم بالحضانه ....إلخ :27: سامحوني ع قرقتي الزايده ... بس حبيت اوضح لكم كل شي عن التوأم من الحمل للولاده لحد ماصاروا يلعبون ويفهمون ... وأي استفسار انا جاهزه :) ..

مشكورييييييييييين ياحلوات ... طبعا انا حملت بتوأم ثنائي ... وكان الحمل طبيعي الحمدلله وبفضل...

بنت الطواش :

حبيباتي أصحاب درب الحمل التوأمي وحشتوني وحشتوني وحشتوني لكني ما اقدر اقعد على النت كثير الوحم قاااااااااااااااااااااااااااااااااااااااااااااااااااااااااااااااااااتلني والله ويوم عن يوم يزيد ولا اعرف له حل الحبوب ريحتني اسبوع وبعد الاسبوع شفت الويل اكثر من قبل يا الحمد لله على كل حال

حبيباتي أصحاب درب الحمل التوأمي وحشتوني وحشتوني وحشتوني لكني ما اقدر اقعد على النت كثير الوحم...