الله يرزق كل محرومة الذرية الصالحة المعافاة وكل من قال امين يا رب

الله يسهل لكم حملكم ويرزقكم ذرية صالحة معافاة سليمة ويفرحكم ويحقق لكم اللي تبغون
ويطمن قلوبكم زي ما طمنتم قلوبنا
والله يفرحنا بالذرية الصالحة المعافاة السليمة قريب

انا تأخرت خمس سنوات والسبب احد يقول سليمين واحد يقول عندكم ضعف وسوينا 4محاولات انابيب وتفشل

بالاخير دلوني البنات على ام احمد الصمعاني بالقصيم واخذت علاجها وذكرت وصفه لزوجي سويتها بنفسي والحمدلله جتني الدوره مرتين ووبعدها حملت والحين عندي طفلتين

يارررررررررررررررررررررررررررررررررررررررررررررررررررررررب لك الحمد

الله يرزق كل متاخره عن الحمل الذريه الصالحة ويفرح قلوبهم بضناهم يا كريم ياااارب انا تأخرت بالحمل لان عندي كسل بالغدة الدرقيه بس انتظمت على علاج الكسل ومشاء الله حملت ولله الحمد على النعمه وعقبالك تفرحينا بحملك

انا كان عندي موعد بعيادة الانابيب بعد اسبوعين
لكن ارادة رب العالمين اني احمل طبيعي الشهر هذا
طبعا كان معي تكيسات وارتفاع هرمون الحليب وضعف بالتبويض واخذت كلوفاج 3 اشهر
وحاولي قد ماتقدري اذا عند هرمون حليب انك ماتستثارين حلمة صدرك بأي وسيله مثل الرضاعه الوهميه
لأنها بتزيد من الهرمون يعني زوجك لايقرب منهم : )

وزوجي كان مستمر على علاجه اللي هو فيتامينات ومقويات صرفها له الدكتور وكان ياخذ ملعقه عسل يوميا على الريق لمده طويله يمكن 5 او 6 اشهر

واضيف لك اضافه يمكن ماتجي على بال اي وحده انه ممكن يكون سبب لعقمها !
قبل شهر اخذت من اثر وحده كانت تبيني لولدها
ودائما تتكلم فيني وليومك هذا وهي تقول هالكلام حتى نصحتني اختي اني اخذ من اثرها
جزء اغتسلت فيه وجزء رشته علي ظهري من غير ماادري
سبحان الله ماجا الشهر الثاني الا وأنا حامل يالله لك الحمد

اضيفي الى ذلك الاستغفار والدعاء لدرجه اني اصلي الليل وابكي بحرقه وكانه ميت لي شخص عزيز
واقول يارب اغنني بفضلك وكرمك ورحمتك
اللهم اغنني بعافيتك عن هالمستشفيات
اللهم استرني بسترك واجعل حملي طبيعيا

مع المحافظه على الرقيا للارحام كنت اقرأ وانفث وامسح على بطني من تحت السره ..

والحمد لله ربي استجاب لدعواتي
المهم انك تفعلين بجميع الاسباب
يمكن سبب واحد يكون بداية الفرج لك

الله يرزقك ويرزق كل محرومه يارب ياكريم