استغفر الله العظيم

الله يرزقكم الذرية الصالحة وكل محرومة

انا تاخرت في الحمل 3 سنوات و8 شهور
اول سنه كان بمزاجي 6 شهور حبوب منع حمل وسته شهور عزل
بعدين راجعت اطمن اكتشفت انو عندي تكيس مبايض وارتفاع بسيط في هرمون الحليب بس التكيس اللي فيا بسيط والحمد لله
وزوجي كمان عندو مشكله في السرعه
راجعت هنا وهنا استخدمت كلوميد ابر يسير تبويض بس مافي حمل وزوجي جرب علاجات حبوب {{ مالتزم
ابره وماحلل بعدها للاسف زوجي كان مهمل واتكالي
تمرخت مرا مازبط الوضع في الاخر طنشت لاني مليت
اخر المطاف امي دلتني على وحده تمرخ وحده من صحبتها تروح تمرخ عندها وجابت3 من بعد الله على يدها
المهم رحت بس عشان اسكت زوجي وامي لاني تعبت من كتر الحكي في دا الموضوع وحتى رفضت ادفعلها من فلوسي وماخليت زوجي يدفع امي وابوي الله يخليهم ليا هما اللي دفعو الادميه حطت يدها على بطني سالتي ايش المشكله قلتها تكيس وكدا وكدا وكدا وسويت قالتي انتي عندك ميلان رحمك مايل لليمين {{ دي كونت اعرفها لانو اللي قبل قالتلي هيا وقالتلي عندك سدد وامر ان شاء الله بسيط وبتحملين مو من عندي لا من عند رب العالمين هيا قالت كدا انا درت وجهي وسرت اضحك واقول في نفسي ايش الثقه دي والتخريف دا المهم مرختني من تاني يوم الدوره والتالت والرابع وكونت اجيها على الريق الصباح مااحط شي في فمي قبل مااروح لها اعطتني اعشاب مطحونه اخد منها ملعقه مع كاسه حليب داافي على الريق وبعدها اتسدح على ضهري ساعه وبعدا افطر اتغدى عادي بس منعتني من المالجي الغازيات الكبده {{ لانها تسمك الرحم ومان المقالي قالتي عليكي بلادامات وخاصه المولخيه {{ مااكلتها ولا يوم المهم والساعه 6 المغرب اصوم عن الاكل والشرب اللين الساعه 10 الليل اشرب الحليب وساعه على ضهري وبعدها عشا طبعا ممنوع الكعب ممنوع طلوع الدرج ممنوع الشغل في البيت الكوي الغسيل الوقفه الشيل التقيل الدف كلو ممنوع راحه تامه اخر يوم رحتها اعطتني تحاميل هيا مسويتها ومغطستها في زيت زيتون استخدمتها واستمريت على خلطه الاعشاب والحليب 15 يوم واخر الشهر سبحان اللي يوضع سرو في اضعف خلقو طلعت حااامل ولله الحمد والشكر الف مرا

الله يرزقكم بالحمل السليم

ماشاء الله وحدة من الزميلات معها ضعف متوسط لازم منشطات تقول استخدمت بودرة النخيل مع العسل
ومن تحت تحط مسحه وتبارك الله بقوته وحوله حملت