الحوامل وألي عندهم عيال بطقكم

:D :D امزح معاكم :D بس انا اعاني من من تكيس المبايض يعني ماعندي جهال (اطفال)وسلفتي(زوجة اخو رجلي) تزوجت بعدي بسنة وحدة وماشاء الله عندها ثلاث وطول ما حنا جالسين تحاول بشتى الطرق تجرحني للمعلوميه هي تحبني قبل ما تنجب وانا احبها بس عقب ماجابت بنتها صارت غير مراعيه جدا جدا مع ان كل الي حولي مراعيني بس هي ماادري شنو اقولكم بس تتفخر بحملها وانها حملت بالغلط (استغفر الله)وانا في بادىء الامر قلت يمكن اتخيل بس تعدت كل شىء واخر شىء كانت بتروح الجمعية لغرض البيت وتقولي احط عيالي عند ك تتسلين بغيت ازطها من القهر شنو الناس مشاعرهم لعبة :( لعت جبدي منها :30: :30: من كل الي جرحوني عشانهم حملوا انا ماني شريرة ولا حقود ولا حسود بس اصارحكم انا صرت ادعي على كل من تجرحني لانها حملت حتى اختي يوم جابت بنتها الرابعة مرضت بنتها وقالت لي بطريقة مزحها يمكن نفسك فيها ولا ناظرتيها لا تقولون يتهىء لك انا احب اختي وسلفتي بس ليش الوحدة لاحملت وجابت تحسب انها احسن من الي ما جابت وتتفاخر انا وايد وايد وايد وايد زعلانه وضايقة روحي ومابي اشوف احد وابغاكم تنصحوني شنو اقول للي تبغاني اصير مربيه لعيالها ادعوا لي ومين تعرف دكتورة ممتازة بأبها وشكرا