الحياء يمنعني اتكلم و أهلي موحاسين بالوضع

السلام عليكم و رحمة الله و بركاته
اتمنى تنصحوني بأسرع وقت
أنا من سنين أدعي ربي يرزقني الزوج الصالح
قبل فترة سمعت بخبر ان في واحد اصغرمني بسبع سنوات
ومطلق وماعنده عيال بيخطبني
و كنت رافضه موضوع العمر
استشرت البنات هنا
شجعوني الأكثريه أوافق لأني صراحه كبرت
و انه المهم اعرف خلقه و سبب طلاقه
اقتنعت بالكلام وقلت هذي فرصه وانا موصغيره
و بنفس الوقت كنت اتمنى انه مايجون عشان أحتار
وانا والله كنت اتمنى فرصه مناسبه أكثر
لكن بالفعل امه دقت قبل كم يوم خطبتني
ورغم اني كنت اعرف انهم بيخطبون رجعت احترت
شاورت امي أكثر من مره وامي مايله اني اوافق
بعد يومين استخرت بالدعاء وماقدرت اصلي لأني عندي الدوره وملخبطه فكريا
قلت لأمي خلاص كلمي ابوي لأني اعتبرت اني موافقه خلاص
انصدمت بأبوي اللي يعايرني و يعتبرني
حمل ثقيل عليه ومامنه فايده ووده يفتك مني
طلع عيوب بالناس وقال اكيد ماطلق الاوهو ماصبرع زوجته
وانهم مومناسبين لنا وانا عنيده و ازعل من اسلوبه معي وهو ابوي كيف
لو هالرجل اجل زعلني وش بسوي
وانه لو تعينت اكيد مابيخليني اروح وظيفتي (ابوي عينه ع الراتب وانا لساماتوظفت)
قال قولي لهم مافي نصيب
ورجع قال بهواكم لاتقولون بعدين كسرت نصيبها
هذا الكلام الصبح
رجع قبل الظهر قال لأمي قولي لهم مافي نصيب
كلمت امي واحد من اخواني متزوج قال وش ننتظر قصده انه لازم اوافق وانه بيشوف وبيسأل عنه
لأنه هو بالذات مايعرف عنه شي
بس قال انه بمامعناه نعرف عايلتهم وانهم كويسين بشكل عام بس انه مايعرف ناس كثيريسألهم لكن
كلمي اخوي الثاني معارفه كثير
راحت امي كلمت الثاني وهو أصغرمني ومو متزوج
قال بأسلوب نافر خلاني احزن ع نفسي لا الشاب صغير و ابوي صادق
يعني قصده نرفض
واختي اللي كانت تشجعنا نوافق وقالت لنا انهم بيجون
مااهتمت بعد الخطبه و ماشجعتني على شي
وحسيت اني ندمت اني استشرتها لأنه موقفها بارد معي
الحين رجعت ورا مره ثانيه
ابوي مره ايه ومره لا و ع الأغلب لا لأنه مايحبهم
اخوي واحد عادي عنده و الثاني يقول لا
واختي الكبيره عني للأسف رغم انها شجعتنا بالبدايه قبل الخطبه
لما جا الجد ماحسستني بأهمية الموضوع
فكرت بالموضوع
لقيت ان اخواني كل واحد لاهي بحياته اللي متزوجين
انا بنظرهم كبرت ويبغو الفكه عاد
وهذا اللي رفض بكره بيتزوج و لا عاد بيدري خطبني صغير والا كبير
و موفاضي لي من الحين حتى العمره موقادره اعتمر واصلي بالحرم
واحنا بالسعوديه موبراها
قلت بقول لهم اناموافقه والموضوع يخصني واخاف يفهمون
اني خلاص ملهوفه بتزوج
واخوي اللي رفض هو اكيد اللي بيوديني التحليل و مشاوير الزواج حق التجهيزات
يعني كيف بطلب منه وهو نظرته لي كذاو بيظل يندمني و اناانسانه مااتحمل كلامه
حيروني و المشكله عارفين ان وحده بعمري اقل شي عندها اربع اولاد
اذا اعلنت موافقتي وعاندت رغبة ابوي واخواني
مابرتاح و كمان فكرة اني اضيع فرصه جت لعندي
صعبه
اش اسوي والله بكره ماينفعوني و ينشغلون بزوجاتهم واولادهم
بس مستحيه اقول لهم ترون وحده بعمري
فرصهاقليل
وتروا زميلاتي صاروا امهات واول اولادهم صاربالمدرسه
الحين الناس ينتظروا الرد

و الأمر ملخبط لو بس ابوي واقف معي ماكان شلت هم
بس الله يسامحه