الحياة تغيرت كثير

بنات انا مصدومه انا ماتكلم لكم عن مشاهير
اصلا انا ماتابع مشاهير انا اتكلم لكم عن ناس عادين
مثلي ومثلكم لكن الفرق من ع قولتهم طبقة مخمليه بعضهم وبعضهم وسط
كلهم قبايل معروفين واهلهم معروفين
وناس يعني كيف اشرح لكم
كانو اهلهم يعني ابوهم وامهم متشددين
من ناحية العادات والتقاليد وكذا
فجاه وبدون سابق انذار
صارو بناتهم عايشين نفس عيشة الاجانب بالتمام!!
صارو مو بس يكشفون لا يسون شعرهم تسريحات وويفي ومكياج كامل وعطور وعبايات ملونه ويطعلون كوفي اى مطعم بهالشكل
صارو عادي بناتهم يسافرون برا لحال لاحظو لحال
مع صديقات او قريبات لكن مو هنا الصدمه
الصدمه انهم شبه عاريات هناك والله العظيم
لما يصورون الفساتين حقاتهم او يصورون اشكالهم من وراء
اقول معقول هذولا سعوديات؟
معقول هذولا مسلمات؟
معقول هذي بنت ال فلان اللي قبيلتها ذيك القبيله
بتقولون يمكن اهلهم مايدرون سنابهم مفتوح عام
واهلهم يتتفرجو عليهم
وكثير مشهورات بالرياض
ويعترفون القبيله الفلانيه والكل يعرفها
لكن ماتطلع وجهها بس تطلع جسمها
او شعرها من وراء كانها فخر اني انا ماحط ولا حجاب
على راسي كانه فخر انه تصور بهالشكل
بمكان كله رجال
يعني احيانا صرت اشك ان الاغلبيه كذا

صرت احس ان حياتنا احنا الغلط اللي اهلنا يبوننا نفس حياتهم
يعني امي للاسف تجننا ع شي مايستاهل على طلعه
مع صديقات تجننا وشلون ذولا كذا عايشين؟
هل مسوين غسيل مخ لاهلهم
يعني بعضهم امهاتهم بعمر امي واكبر
لكن بكل امانه امي كل شي عندها الا الدين
والعادات والتقاليد
صرت احس ان امي الوحيده كذا اذا شفت اللي عندي
بالسناب وشفت صديقاتي وشفت العالم الخارجي
سوال واحد بس ببالي وش صار بالدنيا؟
ليش فجاه صرنا كذا اللي مثلي ومثل اهلي يسمونهم عندنا
متخلفين ومعقدين للاسف
المشكله صارو يجاهرووووون يعني اللي تكشف
بس تصور سناب شكلها وهي كاشفه
اللي تلبس عاري وقصير وطالع ظهرها وصدرها برا
ولا تسوي تان تقلد الاجانب صارت تصور نفسها
ويجون المراهقات يجننو اهلهم
يعني ليش المجاهزه انتي جالسه تسوين ذنب
وابد شي مو فخر مو فخر ابد انك تصورين برا
كل جسمك طالع
او تصورين هنا بكوفي او مطعم مليان رجال وانتي كانك
رايحه زواج خاصه اللي المراهقات اذا شافو الاشكال هذي
يتاثرون خاصه اللي امها متشدده تصير البنت تكره امها
وتسب امها وشفنا نماذج كثير بالتويتر ان امي مكبوته
وتبي تعشني نفس كبتها انا ايي اعيش زي اغلب الناس اللي فالينها
طيب سوال وش فايده تربيه الام والتعب دام اخر شي
البنت بتكبر وتصير مقارنات
تصير تبي نفس كذا وحده اعرفها من اقاربنا
تقول بنتي مضربه اضراب بس تقارن بينها وبين الناس
الفري تبي تعيش مثلهم