الحياة حلوة بس نفهمها

بنت ابوها :

الزواج اغلب تعليق نسمعه من المتزوجات " الزواج هم لا تتزوجون " طيب ليه كنتي متوقعة الزواج ايش؟ خلونا نجرب هالهم :42: كل شي في هالدنيا محتاج مسؤولية وتضحية وكرف ...الخ قبل الزواج وفي بيت اهالينا كنا تحت امرة الوالدين وبعد الزواج يصير الشخص مسؤول عن بيت بالله عليكم مو شي حلو؟ بامكانك فرض نظامك وقراراتك واختيار اثاثك بكيفك وتربية اطفالك حسب ماتبغى يعني صارت لك حياة مستقلة ومملكة صغيرة تديرونها حسب رغبتكم الاطفال نعمة من الله وهم يعكسون صورة والدينهم او مين يربيهم فاهتموا بالتربية وتحملوهم مو تسلمونهم للخدم اذا انتي يالام ماتحملتيهم كيف الغريبة بتتحملهم! او تنظفهم لما يوصخون :09: انت يالاب ترى الزواج مو تجيب فلوس وعيال وبس ترى دورك مهم في تربية الابناء لانك مثالهم الاعلى " كل فتاة بابيها معجبة" مساعدتك لزوجتك في البيت وتقديرك لعملها يساعد كثيييير في ان الحياة في البيت تمشي بدون مشاكل وانتي يالام اذا ماتتحملين الاطفال ليش تجيبينهم؟ عشان تحطمين معنوياتهم بالصراخ والتهزيء والضرب تقويم الانسان وخصوصا الطفل مايجي بهذي الطريقة واعتقد ماكنتوا ترضون اهلكم يضربونكم وانتم صغار وين الفايدة في كره اطفالك لكم بسبب المعاملة السيئة خلوهم يحبونكم ويحبون بعض حتى بعد مايكبرون ويتزوجون تصير قلوبهم على بعض الطفل توه يتعلم ويستكشف الحياة وحتى لما يكبر مايزال يتعلم اعطوه مساحة وحرية للتعلم ولا تتضايقون من تقصيره او عدم استيعابه بالعكس اسسوا فيه كل شي جميل ومفيد واحمدوا ربكم ان اطفالكم سليمين وعقولهم سليمة واستغلوا هذا الشي بالتربية الصحيحة ابناءكم وابناء غيركم بعد مايكبرون بيأسسون مجتمع ومن واجبنا انه يكون هذا المجتمع سليم وبنّاء حتى مانتحسر مثل الحين على عدم تحملهم للمسؤولية واهتمامهم بامور سطحية بيتك مملكتك الصغيرة اهتمامك فيه يدل على انك ربة بيت ممتازة انتي تنظفين وتطبخين وتغسلين ووو كله عشان زوجك واولادك ومملكتك سعادتهم باهتمامك فيهم ماتوصف ولا يمكن يوازي اي شي في هذي الدنيا استمتعي بهذا الشعور وخليه حافز لعطاء اكثر منك احبوا وضعكم مهما كان في الحياة ودوروا على الناحية الايجابية والفوائد الي تحصلونها من وراها وبتلاقونها تستاهل الي تسوونه واكثر بعد

الزواج اغلب تعليق نسمعه من المتزوجات " الزواج هم لا تتزوجون " طيب ليه كنتي متوقعة الزواج ايش؟...