الحياه احلى بعيد عن المراقص

السلام عليكم ورحمة الله وبركاته


ورجعت لكم يااحلى منتدى راحتي معكم مهما لفيت ورحت اخواتي انا ساكنه في الدمام من فتره حبيتها بس مالي احد فيها الدمام حلوه بس زوجي خلاني اكره الاستقرار فيها معه ولد عمه كان يمر عليه اول ماجيت الدمام وانا لوحدي وهو متزوج وعنده عيال وياخذه ويوديه البحرين كنت امزت من القهر والبكا من دون نتيجه وبعدين قلل روحاته واعترفلي زوجي انهم يروحوا مراقص وانه يجيهم بنات في الغرفه وحلف انه ما صار شي هذا زمان الحين ماعدت اساله عشان ماتعب المهم انا موظفه واعلى من زوجي تقريبا انا اللي اصرف طلبت نقل خارجي للرياضوزوجي مره يرفض ومره يوافق وفي مره استخر ت ومن اليوم الثاني على الاداره طلبت نقل وماجاني نقل السنه اللي طافت وانتم عارفين انه كل سنه يتجدد النقل ايش تشوفوا شوروا عليه هنه مالي احد طول وقتي لوحدي احيانا اروح اتمشى في مول زوجي مايحب يطلعنا كثير حتى في العبد لوحدنا هناك في الرياض اخواتي هناك اشوف الدمام حلوه ووسيعه والرياض زحمه بس حتى ممكن اجي الدمام بعدين اتمشى بس الرياض اسكن فيها حتى زوجي يقول اشتريلنا بيت اقول كيف اشتري هنه مالي احد هنه اذا تذكرت البحرين اكره الدمام وش.رايكم وش تشوفوا المولات هنه حلوه ومريحه والبحر بس مايطلعنا كثير احس بحيره احيانا بس اذا تذكرت العيد وولدي عايش وحيد اقول هناك يلعب ويكبر مع اولاد خالاته وش تشوفوا زوجي احيانا يجي عندي زيقول ماباقي قدمتي نقل واحيانا يقول لا الدمام احلى بالنسبه لعمل زوجي متواضع في شركه ب3200 وكمان الرياض قد رحنا فيها اكثر من مره الله لايبلانا المرضى النفسييين الله يشفيهم منتشرين كثير في الشوارع ماقد شفتهم هنه ابغى اخواتي العاقلات الحوائيات يمخمخن ويفكرن وينصحوني احبكم