الحياه ازوجيه

السلام عليكم ورحمة الله وبركاته
اختي الكريمة اسمحيلي اطمن حضرتك أن تكرار طلب العلاقة من الزوج مش معناها ابدا ان الحب ناقص أو أن العلاقة بيقت سطحية بالعكس ممكن تكون دي لغة التواصل الخاصة بيه وانه يعبر عن الحب ليكي او وسيلتة في التعبير عن الاهتمام والاحتواء خصوصًا لو كان لايجيد التعبير بالكلام الجذاب🌸
لكن كمان...
❗لو العلاقة بقت محصورة في "بس" العلاقة الجسدية، ومفيش مشاعر حقيقية، ولا مشاركة، ولا حوار، ولا اهتمام، يبقى فعلاً لازم نقف ونراجع.

شوفي التوازن هو السر.
استجابتك ليه لو بتكون عن رضا ومحبة واحتواء فده جميل، لكن مهم كمان إنك تحسي إن ليكي مكانك واحتياجك واهتمامك، سواء بالكلمة الحلوة، أو الاحتضان، أو الحوار.

✅ اسألي نفسك:

هل بيتك فيه تفاهم ومودة غير العلاقة الجسدية؟

هل زوجك بيهتم بمشاعرك وبيسمعك؟

هل بتتشاركي معاه في وقت لطيف خارج العلاقة الخاصة؟


💡 العلاقة الزوجية الناجحة مش بس جسدية، لكنها مزيج من القرب النفسي، والتفاهم، والمودة، والرحمة، والجاذبية الجسدية.

لو حسيتي إن العلاقة صارت وسيلة واحدة للتواصل، ممكن تفتحي معاه حوار بكل حب وهدوء، وتحكي له عن احتياجاتك العاطفية والنفسية وفضفضي بحب عن الوسيلة كمان اللي نفسك فيها.

🩷 تذكري دايمًا: من حقك يكون ليكي دور، صوت، ومشاعر مسموعة طالما بكل حب وود.
#أمنيةمحمد_استشاريةارشاداسري
#جرعة_راحة_أمنية_محمد
#دعم_نفسي_أمنيةمحمد

شكرا حبيبتي على ارد• لاكن انا الي كرهني فالموضوع احس جلستنا وجونا بدون علاقه مايتحمل يعني لما تصير علي ادوره يحس بملل وبفكر ينسحب ويروح لاخوياه هذا الي ازعجني فالموضوع

لا شكر على واجب حبيبتي
طيب كام سنة زواج انتم وهل فيه اطفال

3سنين اي فيه اطفال

طيب حبيبتي كنت متأكدة انك لسه تعتبري عروس جديدة ما شاء الله انتي محتاجة احتواء أكتر وانك انتي اللي تفضفضي بأحتياجك شوفي في حاجة اسمها لغات الحب الخمسة هو أن كل شخص فينا ليه طريقة بيحب يتحب بيها لو افترضنا أن لغت الحب عند زوج حضرتك هي اللمس اي الحضن والعلاقة أو الالتصاق بيكي فهو وصل لغة الحب الخاصة بيه يعني عاوز يتحب بالشكل ده
طيب رائع لازم تتناقشي معاه بحب
عن لغة الحب الخاصة بيكي انتي كمان يعني انتي تحبي تتحبي ازاي
١_بالهدية مثلا مش شرط تكون غالية ممكن تكون وردة مثلا
٢_ولا الكلمة سواء تشجيع أو دعم او انك تسمعي كلام حلو
٣_ولا اللمس اللي هو الحضن والعلاقة أو الالتصاق بيه طوال الوقت
٤_أو الخدمة يعني انه يخلصلك موضوع شغلك أو مساعدة في تربية الاطفال أو أنه بعد يوم شاق يصنع ليكي مشروب بتحبيه قهوة شاي مثلا بحب تقدير لتعبك
٥_الوقت بعنى انه يعطيكي جزء من وقته يهتم بيكي ويتحدث معك أو حتى يسمعك وانتي جنبه ده بخليكي سعيدة
شوفي ايه لغة الحب الخاصة بيكي وانتقشي معاه فيها بحب وفي وقت هادي من غير ضغوط تكونوا سوا
اما بالنسبة ل ٣ سنوات زواج هو في حالة الاشباع والعنفوان بالمشاعر وعاوز يخد كل ما يحب منك انتي ده دليل على حبه باللغة الخاصة بيه اعطي نفسك فرصة تفهموا بعض أكتر وبأمر الله يديم الود بينكم اطمأني🌿