بسم الله الرحمن الرحيم
الحياه الاسرية.
أكثر الاقسام نشاطا وتصفحا ,اخوات في الله اجتمعن من اجل هدف سام هو رضا الزوج
لان الزوج على قولتنا جنتك ونارك , ليالي رومانسيه ومسجات غراميه ونصائح اخويه.
هي شخصيه مرموقه موضوعاتها ومشاركاتها اكثر من رائعه ونصائحها في الصميم.
((بنات حماتي مجننتني)ترد صاحبتنا يوووووه الله يعينك نفس حركات حماتي بالزبط
بس لازم توقفينها عند حدها .لاتعطيها وجه ترى الاشكال هذي ماتجي الا بالقوه.
((شوفوا حركات اخوات زوجي ))ترد احسن شي تنسيهم والباب اللي يجيك منه الريح
سده واستريح....خلي زياراتك رسميه وخليك ضيفه ..انا مجربه والحمدلله مايدوسون
لي على طرف.
ماشاء الله على المشاركات الهادفه صايره محرره اختنا .
نست رب يراقبها ونست ان الدنيا سلف ودين وان الله يمهل ولايهمل والزمن دوار.
نست ام مكلومه فقدت ولدها وهو حي ..الزيارات بالقطاره واذا جا يقرا الجرايد
وراح ,نست خوات فقدوا ضحكات اخوهم وسواليفه ,الاخ اللي كان الركن والسند
يدخل معصب ويطلع مستعجل .
كرهته في امه خطط ودسائس وفتن وتوصل للسحر اعوذبالله كله عشان لايعصي
شورها واوامرها ,نسته اصله وفصله ,اهله صاروا مجرمين وخواته خبيثات
امه تكرهه, وتحقد على زوجته وعياله,خواته يغارون من الست المصون .
والدنيا تبدلت البر والصله لامها واهلها ,الزيارات والهدايا والخرجات يمر امها
للسوق والمشاوير ,ويوم يزورهم ويوم عنده الله يالدنيا.
امه تتمنى شوفته تقول مشتاقه له حيل ,نفسي اشوف عياله والله انهم واحشيني.
صوره تتكرر في كل دوله ومدينه وحاره وشارع ,حسبي الله على من كان السبب
والام الله يصبرها ويجبر مصابها لو مات اهون ,
هذا غيض من فيض والا في خاطري اكثر بس مااحب اكتب .
اختي شوفي الصوره من جميع الزوايا وتذكري ان الدنيا دواره واللي تسوينه
بتشوفينه في عيالك وخوانك اقري واتعضي والله كريم يقبل التوبه ويمحو السؤء.[/
وجزاك الله خير
وحسبنا الله على كل من حرمت ام من ولدها
او اخت من اخاهااا