الحياه مع رجل مريض نفسيا والواقع الأليم

بسم الله الرحمن الرحيم
مرحبا حبيباتي وأخواتي الغاليات .. كيف أحوالكم ..
ياريت الكل سعيد ومتهني في حياته رغم أن الحياه ماتخلوا من المنغصات ، بس أتمنى السعاده والهناء يغمروون بيت كل زوجين ..

المهم مالكم بالمقدمات والموشحات إللي زايده عن اللزوووم

أنا متزوجه من أبن عمي تقريبا من سنتين وداخله بـ الثالثه ،، وعندي بنت زي القمر والحمد لله .. راضيه بكل مايكتبه لي ربي ،، وصدقوني ماعاد صرت أشكي مشاكلي لأحد إلا لله وحده بسس

مشكلتي في تصرفات زوجي إللي تعبتني نفسيا وكدرت علي حياااتي وعيشتي
والله يابنات إنني من يوووم تزوجنا وأنا أشعر بالكدر والخووووف من مصير حياتي ،، أنا سمعت من أمرأه قريبه لي قبل زواجي !! أنه زوجي مريض نفسيا وأنه دائما مايناام بالبيت وينام بالخلاء ؟؟؟ وخفت وكنت ماراح أوافق عليه لكــن أهله وأهلي نفوا هذا الكلام وقالوا مو صحيح !!


طبعا أنا ساكنه بالدور الثالث في بيت أهله وأختي متزوجه أخوه في البيت إللي جنبنا .. وأنا من النوووع الخوااااف جدا من الوحده والبقاء لوحدي بالبيت .. وأنا أنسانه أجتماعيه ومتعوده على الجمعه والأجتماعات العائليه .. وهو دائما كل ما أطلب منه يجلس معي ويسليني يقول رووحي عند أختك .. في البدايه كنت أرووح بس بعدين حسيت أن الوضع زاد و أنه أختي لها حياتها الخاصه مع زوجها وعيالها ومالازم أني دائما أكووون معهم ..

المشكله أني من يوووم أخذت زوجي وهو دائما خارج البيت يمكــن في اليوووم الواحد إذا كثر جلس معي ثلاث ساعات والباقي نوووم ،، والله يابنات أنه متقلب بشكل غير طبيعي !!!! يعني

مرات يكووون متواجد وحبوووب وحنووون معي ومراات كأنه بعيد عن حياته الزوجيه بشكل مريب !!!! يجلس من الصباح حتى المساء خارج البيت ،، ومرات يبات ولا يتصل !!

في البدايه توقعت أن التقصير منى وأني مقصره في أهتمامي بنفسي وأني مو ممتعته في الفراش ،، لكن لما أهتميت وأعطيته مايرغبه كل رجل وزياده ,, حسيت أنه الوضع مو طبيعي ؟؟

الرجل دائما وأغلب الوقت خارج البيت وحتى وقت الغداء أوقات يدق ويقووول ماني جااااي :06:
يابنات أنا حاسه بوحده وخوووف موطبيعي في بيتي وخاصه أنه أهلي في مدينه بعيده جدا وما أرووح لهم إلا في السنه مره أو مرتين
المشكله لما أشكي له معاناااتي يقول أنتي بتسيطرين على تصرفاتي وتحرميني الطلعااات والروحات ..
رغم أنه يابنات مايطلع مع أحد أصحابه وهذا شيئ متأكده منه هو دائما وحده يلف بسيارته بالشوارع والبر

الأسبووع إللي فات كنا زي العسل وأنا بكل الطرق أحاول أجذبه داخل البيت ، وكنا معزومين في منطقه بعيده عن مدينتنا بحوالي 80 كيلو وفجأه في أخر العزوومه أتصل علي وقال أرجعي للبيت مع إي أحد من أخواني أنا عندي مشوااار ؟؟
قلت له رجعني معك بعدين روح لمشوارك الضروري قال لي بعصبيه أرجعي مع أختك وزوجها قلت أنا ما أقدر أرجع إلا معك أنت زووجي ومسؤل عني قام عصب في التلفون وقفل ،، وكان هذا أخر الليل ورجعت مع أختي وزوجها لبيتي والمشكله أنه مارجع للبيت إلا اليوم الثاني ولا كأن حصل شيئ وأنا أخذت بخاطري

المشكله يبنات أنه من فتره وفتره يترك البيت ومايرجع إلا اليوم الثاني ولا كأنه سوى شيئ وكل ما أقول ليش كذا تسوي ؟؟ يقول أنا رجال وحر في نفسي ..
هو والحق ينقال مايقصر بكل شيئ موفره لي رغم أن ماديتنا بسيطه لكن الحمد لله ،، وأنا ما أكلفه فوق طاقته
لكــن زوجي عمره ماقدم لي هديه ولا عمره طلعني معه أتمشى إلا بعد مشاجرات منى ؟؟

أنا للأسف كنت أجبره يجيب هديه وأنا كنت أجبره يطلعني ونتمشى ..

والله يابنات أن أهلى بعيد عني والوحده هلكتني ومحتاجه أحد حنووون علي وأحد يتفهم وضعي وأني أغلب الأوقات لوحدى وبالحالي بالبيت لأنه كثير الخروووج ولكــن هو مايتفهم أبد رغم تلميحاتي ويتحجج أنه راح يمشيني أذا أخذ أجازه ،، لكــن كل مايأخذ أجازه يغيب عن البيت ويبات برا البيت ،، وأنا من النووع الخوااف لوحدى

ومرات ألمح له أني ودى أتعشى برا وأتفاجأ من خروجه من البيت ؟؟

يعني أنا مالي حق عليه يكون حسن المعشر معي .. ويكون حنون ومتفهم لي ؟؟

والله يابنات أنه رمضان إللي فات كله لحالي أفطر وأتسحر وطول الوقت جالسه بالحالي أو عند بيت أختي وهو يجي قبل قبل الفجر بساعه وينام ويخرج قبل أذان الفجر ولا أذكر أننا جلسنا مع بعض أبدا في رمضان

هو يقول أنه الشرع والدين مايجبره أنه ماينام برا ويتركني لوحدى ؟؟ وخاصه أنه موفرلي كل أحتياجاااتي !!!

لكن لما أجلس معه وهو رايق وأناقشه باللي يسويه يعترف أنه مقصر وأنه الخطأ منه وأنه راح يبدء صفحه جديده ؟؟

بعد يومين ثلاثه يقلب !!! ولما نتفق على طلعه مع بعض أو سهره إذا حان وقتها يتهرب

ولما أنتظر أخر الأسبوع يفضى من مشاغله أو أنه يأخذ إجازه كم يوم .. أتفاجأ بأن 80% من الوقت خاااارج البيت

أنا فعلا أتضح لي أنه تعبان نفسيا الله يشفيه لكــن أنا وش ذنبي صبرت كثير وحاولت أسكت وما أضغط عليه لكــن والله مو بيدى أنا محتاجه لرجل معي في حياتي ويكوون بجنبي وواقف معي ويفهمني .. أنا صحيح متفهمه وضعه وحالته النفسيه !! لكــن وش أسوى أنا ما أبغى أعيش معه كــذا لزم يكون زووجي جنبي وتكون عشرتنا بالمعروف ،، وأنا ما أطالبه يكوون مقابل لي طول اليووم ،، أنا أطلب منه يخصصلي وقت ويخصص لبنته وقت ..


والله يابنات إني الليله نمت في غرفه ثانيه بعد ما أعترفت أني مليييت من العيشه معه ؟؟ وأن حياتي كئيبه ومخيفه وأن التفاهم معدوووم بيننا ؟؟



أنا أريد الحل منكم ؟؟