الحياه مع زوجي لا تطاق

السلام عليكم
بنات انا ليا ثلاثه سنين متزوجه وعندي طفل الحمدلله لسا عمرو سته اشهر
زوجي انسان ما يشوإف الا العيوب والنواقص ودايما يبغى يسيطر على كل شي كرهني حياتي مخليني بدون شخصيه دايماً يجلس يعايب على شكلي وخشمك ومدري ايش كتير اسكت واقلبها ضحك بس احسخلاص من جد كارهتو من اسلوبو باحاول ليا كم يوم ادلعو واهتم فيه اقول يمكن يتحسن بس يجي بكلمه يخرب نفسيتي ويخرب كل شي
لاومهددني قبل كدا بالطلاق
انا مو عارفه هوا ايش يبغى بالضبط بس يدور النواقص ولما اجلس معاه اقلو قول ايش تبغاني اسويلك و عاملني زي الناس حتشوفني كيف اسير يقول الشي مو حلو بالطلب نفسي اعيش حياتي طبيعية ماني شايفه لا الفه ولا موده غير دايما محتقرني و ينقص فيا و ينبسط لما يشوفني مقهوره و ما يبغاني ارد اما ارد يقلب الدنيا عليا واصلا انتي واصلا انتي من جد احس كرهت كل الرجال
سرت افكر انفصل و ما اتزوج بس ما ابغى اضايق اهلي عارفه لو اهلي يدرو باللي بيسويه معايا كانو اخدوني من زمان وعلى فكره ما يطيق اهلي كمان لو سوولو شي بسيط يكبرها واهلك واهلك
ايش فايدة الزواج اذا كان كدا
الشي الوحيد اللي بيسويه بيجيب اغراص ومقاضي للبيت
وازا ما طلبت مصروفي مايعطيني
شخصيتو حلوه بس مع الناس واهم شي عندو الناس مثلا خرجنا مره ووطلعت عطر ولدي قلتلو عطرو قال لي شيلي شيلي ايش يقولو عنناالناس عطري فالبيت مو هنا أبداً ما يهتم لمشاعري الصلاه عندو اخر شي
جالسه ادور على اشيأء ايجابيه فيه ماني شايفه شي
لسا احس فقلبي كلام كتييير بس مدري ايش اقول