الحيرة ذبحتني ومادري وش اسوي!!!

مساء الخيرات
انا ام لطفل عمره اربع سنوات كان قبل عام كلامه يعد على الأصابع ومش مركز أبداً وإندفاعي وديته لأكثر من مركز ناس تقول مافيه شي وناس تقول قلة تركيز وشوية حركة زايده طبعاً بديت اعطيه جلسات عند وحدة متخصصة تعطيه حصص بحيث انها تزيد تركيزه

طبعا اللهم لك الحمد صح انا تعبنا كثير معه بس صراحة فيه نتايج

اللي تغير في ولدي الحين بعلمكم به بس للمعلومية من اول في ناس يقولو اصبرو عليه وهو بيتغير بس حنا مانتظرنا بذلنا اقصى جهد معه حتى الآن

التغيرات صار يطلب الشي اللي يبيه مثلا اذا يبي ياكل يقول ابي بسكوت او عصير او دجاج اللي يحبه يطلبه واللي مايبيه يقول مابيه
يحب يركب في العابه ومثلا لو قلت له قل ابوك ماما تبغاك يروح يقله صار يقضي حاجته في الحمام واذا خلص يصايح ماما خلصت تعالي

حافظ سور من القرآن وآية الكرسي وآواخر سورة البقرة وحافظ الحروف الهجائية ماشاء الله عليه والأرقام والأشكال

يحب يلعب بسيكله وببعض العاب الآيفون

لكن في أشياء مقلقتنا شوي صراحة:
مثلا لما تبي تسولف معه يقعد ينشد وماينتبه لك في بعض الاشياء اللي مو فاهمها
يعني يرد بعض الكلام اللي اقوله مثلا وش سويت في الروضه يقولي سويت وبعد مرتين يقولي قطار روضه يعني لعبت قطار في الروضة
وجلست حلقه ومشيت طابور وغسلت يدي

يعني جمله من كلمتين واحيانا يقول جلست حلقه في الروضه

وحتى لما يقولها مايتواصل بصري معي الا اذا كان بعيد شوي عني اما اذا كان قريب يصرف نظره عني بس لو انشدت له على طول يتواصل

اللي يشوفه يقول هادي جداً بس اذا جا احد يحبه يقعد ينطط ويفرح فيه

بس مايعرف يلعب معه ومايكلمه ماغير يناظر فيه ولا يستعرض بالحركة والنطنطة

مايدافع عن نفسه
طبعاً هو الآن في روضة لتعزير الأمور الإجتماعية وأموره في تحسن يحب اصحابه ويعرف أسمائهم بس مشاركته لهم ضعيفه وإن شااء الله مع الوقت يتحسن
طبعاً هو يحب خالته الصغيره وتشيله على ضهرها وتنشد له ويطلب منها اناشيد على استحيااء

هذي بعض الأمور اللي مقلقتني اتمنى من الاشخاص اللي متخصصين واللي عندهم معلومه مفيده تفيدنا وآسفة جدا على الإطاله