ماشاء الله تبارك الله

ماشاء الله عليك موضوعك حلو ويشد الانتباه

جزاك الله خير ووفقك بحياتك
%%%%%%%%%%%%%%%%%%

يــــــــــا عيني عليج وعلى حركاتج الحلوه ..

تدرين عاد بخبرج سالفتي مع ريلي ..
نحن ساكنين في غرفه منفصله في بيت أهله ... وبصراحه ضاق صدري من هالغرفه واحس انها بعد ما ولدت ما صارت تكفينا .. خاصه انه أغراض البيبي كل ما ياها تكثر و ألعابه تكثر وملابسه تكثر و فوق هذا ولدي يضيج من الغرفه ويبا يغير ويطلع ويدخل بس طبعا ما بخليه يطلع في الحوش لانه الجو ما يساعد وهو على طووول يتحسس من الحراره ... و ما عندي مكان أخذ فيه راحتي الا بيتي اللي هي غرفتي ... المهم حنيت عليه كم مره انه يبني غرفه لو صغيره تكفي أغراضنا ع الاقل لكنه دايما يقول البناء صدعه راس ... عمال و دق و صبغ و ريحه وبلاوي نحن في غنى عنها ... وكل مره أحاول أقنع فيه لكنه مافي فايده ... فقررت أتخذ موقف ثاني ... ما صرت أييب له طاري الغرفه نهاااااائيا ..
وبالمقابل كنت أخلي الغرفه مكركبه و فوضى والعاب ولدي في كل مكان على الارض والسرير والكراسي حتى على باب الحمام ..ههههه وفوق هذا يوم يتأخر ولدي في رقاده بالليل أخليه يلعب على راحته في الغرفه واخلي الاضاءه شغاله بحجه انه الولد صغير ويبا يتحرك ويلعب وما فيه رقاد احين ..
وطبعا يستسلم للنوم وسط الازعاج والاضاءه .. مرات أرحمه وأخفف الاضاءه بس الازعاج لابد منه ..
المهم اذا اتكلم أو انزعج اقوله شو اسوي أربط ولدك وما اخليه يتحرك ولا يتكلم ..؟؟
وطبعا يحن قلبه على ولده ويسكت ...
وما صار له اسبوع الا وهو قايل لي جهزي ملابسج انتي و ولدج وبوديج بيت أهلج ويمكن تطولين اشوي لاني ببني غرفه ثانيه للولد و ألعابه و قعدته بالليل ..ههههههههه
واخيــــــــــــرا ارتحت اشوي من ضيج غرفتي .... وسوالي بعد مطبخ تحضيري صغير ..

يااااااااااااااااااااي مشكوووووووووووووووووووره والله والله استفدت كثيييييييييير

وينها ابداع ..؟؟؟؟؟؟؟؟؟؟؟؟؟؟؟؟