الحين انا صايره المحقق كونان زي مايقول

بنات هالرجال بيجنني والله قربت انجن بالله عليكم ابيكم تحكمون وتفكرون عني لان التفكير عندي تعطل
الحين يابنات رجعت من عند اهلي قبل يومين كنت باجازه اسبوعين الا وبيتي متغير فيه اشياء تثير الريبه يعني البيت منعفس فوق تحت مستحيل يكون زوجي لحاله سبب هالخراب كله طبعا جيتي كانت مفاجأه اسوي له حركات هو ووجهه
المهم جيت مع اخوي اول مافتحت الباب ودخلت عليه بالغرفه كان نايم صحيته لحيه طاح بالارض تقولون شايف جني اسلم عليه يقول وش جابك كيف جيتي طبعا وجهي كان مقلوب من الحوسه الي شفتها برا وجهي طاح من اخوي وزوجته رحت لسرير ولدي وحطيته كان نايم ورميت عبايتي عالسرير وطلعت تركته يحوس بفاجعته بس يابنات لما دخلت الحمام كانت الصاعقه روبي حق الحمام وروبه مرميه على طرف البانيو ومنشفتي حقت الشعر والشباشب لي وله كلها مرميه بجنب بعض في الحمام والادهى شعر طويل على بلاط الحمام من الصدمه لميت الشعر والله لقطته حبه حبه وطلعت وانا منطمه ما ابغى اتكلم قدام اخويه وزوجته ومابيسافرون الا يوم الجمعه وانا شاكه بوحده الله لايحاسبني على ظني فيها بس وحده من زميلاتي احيان تداوم معي لان بيتها عالطريق طبعا زوجي كان ينقهر ويعصب اذا قلت نمر فلانه والاونه الاخيره صار هو يقول مارح تداوم معك بس الي شككني اني مره جبت ولدي الدوام وجوو كل البنات يسلمون عليه الاهي تقول ما اخب الاطفال بعدين جلست تتكلم عن ولدي تقول مايعجبني الي يجي شكله كذا ولدي ابيض بالحيل واشقر لدرجة انها قالت ولدك مريض قلت بسم الله عليه لا قالت كان ماعنده صبغة ميلانين تتريق طبعا اخذتها على قد عقلها كل من شاف ولدي مدحه الاهي مره من المرات كان جوالها عالمكتب وجيت بالصدفه الادق والله مو تطفل بس ناظرت بالشاشه لقيت الخلفيه صورة ولدي انا ما اذكر اني عطيتها الصوره ولا اذكر ان لولدي صوره عندي زي الي عندها وهي تكره شكل ولدي ليش تحطه خلفيه عندها الحين ماقدرت اتفاهم معاه اخاف يطلع صوتي واخوي وزوجته يحسون ومارح يسافرون الا الجمعه بس تكلمت معاه بهدوء على سالفة روب الحمام قال روبي كان وسخ واستعملته قلت الاثنين بوقت واحد وجنب بعض انا مابديت معاه بالكلام قام يرفع صوته خير انتي مسويه فيها كونان ومسوي نفسه زعلان الحين اني ماقلت له اني جايه مع اخويه بر يدور اسباب يتعذر فيها بس طنشته ودواه عندي قولولي بالله انا مسويه كونان زي مايقول ولا هاذي حقائق جات لحدي واذا تجاهلتها انا بجد غبيه ومغفله