الى عزيزاتي في منتدى عالم حوااااءالمميز شلونكم ان شاء الله طيبين..
عادة انا احب اني ادخل في الموضوع من غير مقدمات ..
الموضوع هو دايما نسال نفسنا لييه انا منحوسه!! ولييه حظي عاثر !! وليش كل ما تمنيت شي وخططت اني اسوييه يخترب عليي!! وليش زوجي يخوني مع اني كامله والكمال لله!! ليش صديقاتي تغيرو عليي!! ليش علاقتي بزوجي صارت ضعيفه!! ليش كل ما ادعي لا يستجاب لدعائي!! وليش الناس تصدني مع اني ماسويت لهم شي .!! ليش ابنائي ما يسمعون كلامي ويجافوني!! كثير وكثير واكثر من الكثير هناك اسئله تطرح في قلوبنا وعقولنا ولا نعرف اجوبه لها .. الجواب هو انه قد يكون امتحان من رب العالمين وقد يكون سببه سوء في قلبك ونيتك.. انا بتكلم عن نقطه القلب والنيه.
والله يابنات ان الوحده لما تصفي قلبها من كل شي سئ صدقوني في امور كثيره بتتغير في حياتها..
الله رب العالمين وضع لنا عبادتان عبادات تؤدى بالجوارح وعبادات تؤدى بالقلوب عبادات الجوارح مثل الصلاه ، الصوم ، الحج ..الخ وعبادات القلوب مثل حسن الظن ، الخلق الحسن ، الرضا ، الرحمه ..الخ
تدرون يا بنات ان عبادات القلوب تصل الى الله اسرع من عبادات الجوارح.. لانه وباختصارعبادتك بالجوارح ناقصه بدوون عباده القلب...
والله يا بنات الوحده منا تشتكي وتشتكي وفي قلبها حسد وكبر وقله ايمان وسوء ظن...
اللي تشتكي من زوجها وتتكلم عليه عند اهلها حرااام والله حرام تغتابين زوجك .. كيف ترضين انك تاكلين لحم زوجك؟؟؟ صفي قلبك من الغل والغضب واذا في قلبك اي شي روحي كلميه وواجهيه واذا ما تقدرين اسكتي فالسكوت احسن بكثير من انك تتكلمين عنه بسوء امام اهلك ويجازيك الله باشد انواع العذاب في الدنيا والاخره وقد يزيدك الله عذاب ولكن لما تلجئين له وتطلبين الرحمه منه صدقيني ارحم واحسن بمليون مره من انك تشتكين عند اهلك وتكبرين المشكله حتى لو كانت خيانه اصبري وحلي المشكله بحكمه وصبر والجئي الى الرحمن الرحيم ...
واللي في قلبها التكبر ومالي قلبها الغرور .. وتقول انا انسانه متواضعه وعمري ماظلمت احد بس مادري ليش حظي في هالدنيا عاثر واسود.. وتلقينها تهاوش وتبهدل شغالتها ولا السايق ليل ونهار وكان الشغاله اله مب انسانه نفسنا لها مشاعر واحاسيس.. ارحمو من في الارض يرحمكم من في السماء..تبين الرحمه تنزل عليك من رب العالمين ارحمي الناس ..
انا مره كنت في المستشفى ولد اختي كان مرقد ورحت ازوره المهم تفاجات ان اللي مرقد في السرير اللي جنب سرير ولد اختي يطلع اخو صديقتي الصغير المهم سولفنا وطلعنا بره الغرفه شوي كنا واقفين في الممر الا ونشوف ولد صغير لونه اسود وكان مرقد في الغرفه اللي جنبنا وكان يلعب في الممر المهم الطفل هذا جااا ركض على صديقتي وهو مبتسم .. تخيلو شسوت!!! قالت له رووح رووح بشكل وكانها متقززه منه !!! انا تفاجات وقلت للولد تعال تعال .. وشلته وهو يضحك ..المهم راح الولد فقلت لصديقتي ليش سويتي كذا في الطفل قالت استغفر الله انا ما احب السوود .. قلت لها حرام عليكي استغفري ربك .. كيف تفكرين كذا وانتي مسلمه ولافرق بين اسود ولا ابيض الا بالتقوى قامت قالت والله عاد انا كذا .. المهم تدروون البنت هذي تزوجت اكثر من مرتين وماتوفقت وسبحان الله ما انجبت ..و لما يجونها عرسان تطلع فيهم مية عيب وعيب وكانها هي ملااااك.. ودايما تقول انا منحوووسه وليش ما اتزوج احد يناسبني..اجتماعيا وماديا.. قلت لها صفي نيتك وخلك انسانه مؤمنه بمعنى الكلمه حبي الله وحبي خلقه وعباده الصالحين وتخلصي من الكبر وتوجهي لله بصدق كيف تقولين احب الله وتتكلمين بسوء عن خلقه..وكانك مخلوقه من ذهب وباقي الناس من طين ترى كلنا مخلوقين من طين.. الطين اللي الكل يدووس عليها والابيض والاسود كلهم من خلق الرحمن العزيز فمن انتي عشان تقولين هذا اعلى وهذا اقل.. السؤال هو من انتي !!!
المهم يا بنات النقطه اللي انا ابي انبهكن عليها هي نقطه عبادة القلووب .. احسني النيه والظن في الناس.. تخلصي من الحسد وركزي في نفسك وما عليكي من الناس والقيل والقال.. تخلصي من التكبر وخلك متواضعه لانك "انك لن تخرق الارض ولن تبلغ الجبال طولا "مب احسن من غيرك كلنا بشر وسواسيه الا بالتقوى والعمل الصالح ..ارحمي الناس يرحمك الله واتقي الله لانه من يتق الله يجد له مخرجا..لا تتكلمين عن احد وخاصه زوجك قدام احد.. الغيبه تعتبر من اكبر امراض القلوب ..واخيرا ارضي وارضي وارضي بما قسمه الله لك في الدنيا يرضى عنك.. ولاتقولين ليش انا جذي وليش حظي جذي ..!! ارضي لعله يرضى عنك واحسنوا النيه فعلى نواياكم ترزقون
وصدقيني يوم ما نيتك تصفى وتكونين متواضعه وشايفه الناس كلهم سواسيه صدقيني كل امورك راح تتغير وعبادتك تصل لله اسرع...
يلزم عليك تسجيل الدخول أولًا لكتابة تعليق.
ايه والله النية الزينة وصفاء القلب نعمة أسأل الله أن يرزقنا أياها أجمعين
جزاك الله خير يالغالية على الموضوع الاكثر من رائع
ووفقك الله لما يحب ويرضا
جزاك الله خير يالغالية على الموضوع الاكثر من رائع
ووفقك الله لما يحب ويرضا
الصفحة الأخيرة
موضوع رائع ...