الحين كيف تتصرفين مع هذي النوعيه

السلام عليكم
انا انسانه زوجي على قد حاله وماعندي ذهب كثير يعني سلاسل صغار ذهب وكم خاتم وماشاءالله تبارك الرحمن اخت زوجي مو متزوجة قبل كانت ماتعرف شكل الذهب بس ام زوجي صار عندها ورث بسيط وصارت ماتقصر على بنيتها وتشتريلها طقوم مو ذهب بسيط طقوم ماشاءالله الله يديمها عليهم ويرزقنا يارب والله قبل تجي الفلوس خالتي اتذكر ام زوجي وبنتها يشترون من الكشكات اكسسوارات والان مايعرفون الكسسوارات كله ذهب الله يزيدهم بس اللي مضيق صدري اخت زوجي اسلوبها يقهر مثلا انا اللبس سلسال اكسسوار تجلس تطنز فيني وتقول عني ام الكشكات انتي ماتشرين ذهب وع الكسسوار ومهما كان موديله احقره بعد مالبست الذهب اسلوبها يقهرني ولا اول ماتشوف حلق او سواره علي على طووول تسألني ذذهب ولا اكسسوار اذا قلت اكسسوار قالت وع خلاص لا تفكينه توريني اياه اسلوبها جدا مستفز ومحرج ولا كله كوم واذا قالت انتي ماتلبسين الا اكسسوارتبين اخوي يشريلك عيب وش ذا الاسلوب وش دراك يمكن اخوك يجيبلي بس مابي اعلمك ولو انا فعلا زوجي مايجيب لي شي مالها حق تطنز وتستخف في اخوها عيب مهما يكن المفروض تكون اكبر من هذي التفاهات ومره ملبسه بناتي سوارات ذهب عاد تسألني تقولي ذهب ثم قالت صح انتي ماتلبسينهم ذهب كله اكسسوار قهرتني عند خالاتها تقول كذا وش الحقاره هذي انا كله كوووم واذا قالت الذهب للذهب ثم تأشر على نفسها ابلشتنا في الذهب ام ذهب تقل ماشرى ذهب غيرها وربي صرت اروح الاهل زوجي مو لابسه شي كله بفتك منها الله يهديها توي راجعه منهم ورفعت ضغطي شافت دبلتي قالت ذهب هذي قلت ايه تقولي انتي كذابه تقولين انا اشتري ذهب وانتي من جنبها رديت قلت يافلانه ترى اسلوبك عيب يبين انك ماشفتي خير ترى علط كل ماشفتي شي علي نقزتي وقلتي ذذذهب ولا اكسسوار يكون اللي يكون مايحتاج تسألين قالت لاني ينرفزني الكسسوار ومااحبه قلت انتي ربي رازقك غيرك ماعنده ماله داعي تقللين من شأني او شأن غيري ترى عيب قالت ايه عادي بس انتي حساسه الله يهديها تكره الناس يجلسون معها من اسلوبها وغم انها كبيره تقريبا فوق 26 سنه عمرها بس تنفر الناس بأسلوبها
وتراني يا عزيزاتي اقصد انها كبيره وعمرها فوق26 مو اقصد عجوز لا لا اقصد انها بنت خريجة جامعه فاهمه وعاقله وكبيره على حركات الاستفزاز لو الحركات هذي تجي من بنت بالثانوي كان ماشرهت عليها بس بعض الاخوات فهموني غلط ويحسبون اني اقول كبيره عجوز لالا 26 بعز شبابها بس حركات استفزازها اصغر من عمرها خصوصا انها متعلمه وجامعيه يعني تنقدين على تصرفاتها