الحين وش نسوي بعديمات التربيه اللي يتحرشون باأزوجنا؟ (دمج عدة مواضيع متعلقه)

سلام عليكم ورحمة الله وبركاته

والله من القهر مادري وش اكتب

امس كنت وزوجي بمجمع الظهران ورحنا لكوستا كوفي نبي نتقهوى

وحنا جايين الا فيه بنات او بالاصح عجايز ثنتين حاطات على وجيههم طحين مهوب مكياج :09:

وحده منهن يوم شافتنا جايين وكانت تبي تاكل الكيكه فاتحه فمها تبي تاكل

يوم شافتنا جاايين الا طيرت عيونها على زوجي والفم المفتوح للحين مفتوح كنها متفاجأه من زوجي ومن جماله على بالها يعني

وتناظرني من فوق لتحت طبعا كل هذا وخشتها للحين مفتوحه والشوكه جنب خشتها جعلها للقطع ...

المهم جلسنا بمكان جبنهن لانه كان مليان الكوفي قال زوجي وش تبين على اساس بيروح يطلب قلت كابشتينو

طبعا مر هو من عندهن لاازم لانهن بالسنتر حسبي الله عليهن

قالت وحده منهن بسم الله عليك بسم الله عليك <<< تقول لزوجي هالكلام :mad:

وزوجي طبعا ماناظرهن صد من الجهه الثانيه كنه مايسمع

جت وحده الله يجزاها خير وجلست تهوووشهنوتهزأهن جزاها الله كل خير يارب ..

( طبعا انا مادريت انهن قايلات بسم الله عليك ويوم تهوشهن الله يجزاها خير الحرمه مادريت انها تهوش عشان تحرشن بزوجي )

(يوم جا زوجي طالب الطلب قالي السالفه مرتاع من قلة ادبهن )

يوم طلب زوجي الطلب وجا يجلس جنبي وهو يمر من عندهن تنهدت وحده منهن طبعا هي نفسها اللي فكت خشتها وهي نفسها اللي قالت بسم الله عليك :09:

جيت جلست قبالهن ويبدون يكركرون ويضحكون يناظروني ويضحكون

وانا ساكته اسولف مع زوجي واضحك.. انقهرررررررررررررررررن مررره لاني ماعطيتهن وجه

راحن لبسن النقاب ومرت من عند زوجي ام خشه مفتوحه جعلها ماتتسكر وتتبسم له بعد من وسع وجهاا ...

قسم بالله لو انا مانب واثقه من زوجي كان اقول بينهم علاقه وانها تعرفه وانها وانها وانها وانها .........

بس اصلا زوجي جاي مرتاع يقول وش تبي ذي


قسم بالله شي يقهر الحين نبي ننبسط بهالمجمعات ويجون بنات قليلات ادب زي ذولي يخلون الواحد مايتنهى

يقول زوجي وربي مواطي رجلينك تكرمون اكرم منهن

بس مااش الواحد ينقهر ويتضايق :(

يعني لااهل عندنا ولاشي مافيه الا هالاسواق نحط حرتنا فيهم ونلعب عيالنا واخرتها يجون بنات زي كذا همهم الاول والاخير تنكيد الزوج والزوجه

طيب مافيه اكثر من الشباب اللي يدوروون المغازل مالقيتي الا اللي مع زوجته :mad:

قسم بالله شي يقهر ويبط الكبد :icon33:

دايم تصير لي مواقف مع البنات اللي كذا خاصه ان سيارة زوجي من السيارات الزينه مره وهذا سبب عذابي بعد ...

من يشوفون زوجي بسيارته مثلا بيوقف بموقف ولا بمكان الا يتمايلن بمشيتهن ولا يسوون حركات مالها داعي او تجي توقف بالمكان اللي بيوقف هو فيه يعني لازم يضرب بوري عشان توخر طبعا هي شايفته بس على بالها ماتدري وقدامي قسم بالله :(


افففففففف منهن يااربيه بس وين اهلهن وين اخوانهن لهدرجه انعدمت التربيه ؟؟!!

امس اقول لزوجي المفروض اني كبيت الكابتشينو بخشتها المفتوحه ذي الا مهيب خشه الا خزان من كبره خخخخخخخخخ:42:

اكب الكابيتشينو في وجهها واخلي وجهها يحترق واقولها كل ماشفتي وجهك المحروق تتذكرين انك واطيه

قال والله ان تشكيك للشرطه قلت لاو الله ؟؟

انا اشكيها اقول تتحرش بزوجي وانا دافعت عن كرامتي << ايه بالكلام تعرفين بس بالفعل امحق :eek:

وبس هذي قصتي امس الله ياخذهن وجعلها ربي يصير لها زي ماصارلي واكثر اذا تزوجت وجعلها تحتر وتبلش في نفسها هي واللي على شاكلتها < < متعوب عليها شاكلتها :unsure: