الحين وضعي اشوفه كـ المعلقة ..!!

السلام عليكم ..
أخباركم يـَ بنات وحشتوني ..
مافي احد افضفض له غيركم ولعل تساعدوني حتى بـ الدعاء لعل الله يفرج كربتي وكربت
كل مسلم..
موضوعي طبعا تعرفونه اللي طلعت مع زوجي للمركز
تجميل في رمضان وارسلت له صورتي في المركز وعصب وكسر جواله يوم حاولت اتفاهم معاه .......الخ
وبنات حاولت كثير اصلح اللي بينا في رمضان كان رافض بتاتاً يقول بعد العيد أنا مشغول ومعتكف ..
وبعد العيد طلع سافر عنده شغل تجارة وكان مواعدني 10/10 يجي الرياض نتفاهم لإنه طول الفترة اللي قبل رافض اي اتصال مني كله حضر وبعد يومين يرفع الحضر .. !!
بصراحة ماعمري شفت زوج يحضر زوجته !!
وويقولي انتظري اجي وبعد كذا كلمته سألته قال طلع عندي ظرف وقت مايخلص اجيك وفي ترتيب ثاني كان الزواج عساس 11/25 قال نأجل موعد الزواج سألته متى قال لموعد غير محدد !!؟
قلت له يعني تعليق قال لا بس تأخير وقلت له وش الهدف قال بعدين تعرفي كل شي في وقته حلو انتظري عندي امور مرتبط فيها ..!!؟
سألته ممكن شهور قال ما أدري ممكن !!
واذا حاولت اسأل اكثر افهم شي احس غموض والغاز مثل ماقلت لكم ..
طيب اشرح لي ظرفك فهمني خليني على بينة من أمري .. جوابه كل شي في وقته حلوو !!؟
طيب عادي سولف معاي مثل اي متملكين يقول اجيك الرياض ونتفاهم على موضوع المركز باقي ماتقفل ..
هو عادي كان عنده ظرف في رمضان مادي حصلت له خسارة وكنت معاه ولا عمري ظغط عليه ..
علماً بأنه هو خلاني اطلع من دوامي وقال برسلك
كل شهر مصروف غير المهر لإني ماعندي احد يصرف علي اصرف من دوامي ابوي متوفي وأمي الله يرحمهم وظروفي الحمدالله على كل حال حتى صرفت نص المهر على اكلنا ومصروفنا اليومي انا وأختي وأغراضنا الشخصية مضطرة مافي غيره .. لكن ما أرسل شي وفي رمضان قلت عنده ظروف ومعليش وبلعتها وسكت..
وعلما اتوقع شخصيته شمالي شرقي ..
والحين وضعي اشوفه كـ المعلقة ..!!
وانتوا وشرايكم وأبي دعواتكم الله يفرحكم ولايكسر لكم خاطر ..