الخادمات والأطفال

اللهم صلِّ وسلم على نبينا محمد وعلى آله وصحبه اجمعين.


السلام عليكم ورحمة الله وبركاته😊
هالموضوع من زمان شاغلني وحبيت اتكلم فيه
واشوف ارائكم-
وانا بعطيكم رأيي واللي اشوفه عين الصواب
حنا بمجتمع فيه كثير يآخذون خادمات او مساعدات في البيت
ومو هذي المشكلة!
المشكلة انو هذول اللي تستقدمونهم لـ الشغل في البيت وتنظيفه
تخلونهم او تجبرونهم يربون عيالكم❌
ليه؟!
وش ذنب الاطفال يتربون بأيدي حريم أجنبيات أو حتى غير مسلمات
هم اللي يلبسونهم يأكلونهم ينيمونهم ....إلخ
من متى صارت الخادمات مربيات؟!
تراكم مسؤولين عن عيالكم في كل صغيرة وكبيرة
مو تخلفين وترمينه لـ الشغالة..
وش ذنبه الطفل ما يحس بحنانك واهتمامك كـ أم
وش ذنبه تروحين برا
وتخلينه في البيت بروحه مع الخادمة ماتدرين هو ينضرب ينظلم يتعذب!! او لاا
ووش ذنبها الشغاله المسكينة اللي تترزق ربها بكررف البيت تتبلينها بالتربية بعد؟!


حتى اذا شفتوهم مايتحملون اطفالكم م ألومهم من التعب اللي هم فيه
ولكن انتي المسؤولة عن عيالك في جميع شؤونهم واحتياجاتهم ومتطلباتهم
اخر شيء أقوله لاتحرمون نفسكم من اطفالكم ولا تحرمونهم منكم ربوهم بنفسكم اخدموهم بنفسكم لاتخلون الأجانب يربونهم ويعتنون فيهم
ترى هالشيء يأثر فيهم نفسياً قبل مايأثر جسدياً