مشكوره يا تويتي على النصيحه وانشاء الله احاول افتك منها

قسم بالله نفس مشكلي مع شغالتي مالها الا 6 اشهر وفقدت ملابس داخليه لي وعروسة بنتي وساعة غاليه عالي اخذت الاغراض وقلت باسالها عن الاغراض قالت مادري ولما واجهتها قالت لي اني كذابه وان هذي اغراضها!!!!!!!!!! لا وبغت تضربني بعد لكن اشوى امي كانت فيه مع انها كانت مره مسويه نفسها طيبه

لاحظت انها ميته وتشيل بنتي ودايم تقول لامي اني ماخليها تروش بنوتتي او تاكلها او تنومها معاها مثل اللي كانت تشتغل عندهم!!!!! خير!! امي نصبت عليها تقول عشان ماتحقد علي.. وقالت اني زوجي رااااااااااااااااافض وبيذبحني اذا خليتها تشيلها

بعدين امي قالت حرام يمكن فقيره ومسكينه قلت لا خليها عندك اسبوعين تتأدب (والله ماكني صلحت شي!) حلفت انها ماعاد تمد يدها ملره ثانيه ورجعتها لكن ماصرت اعطيها وجه مثل اول تخلص شغلها وتطلع غرفتها

بعد فتره وديتها لامي وفتشت ابغى اتاكد ولقيتها ماخذه غطى وساده ولحاف!!!! كنت فاقدته لكن ماتوقعت لها وجه تسرقه ماتدرين اني بافقده؟؟؟

ومن بعدها افتكيت منها بدون ماتدري وديتها لامي وقلت بسافر وبعد ايام برجع ورجعت بيتي رتبت اغراضها بنفسي ورحت لامي بعد كم يوم قلت ماعاد ابغاك سألتني تقول ترى ماسرقت شي (اللي على راسه بطحه يتحسس عليها) ليه ماتبغيني قلت لا بس ماعاد ابغى اشوفك ببيتي وامي عطتني شغالتها والحمدلله مره مرتاحه وشغالتي عند امي تكرف (الله لايحرمني منها مع انها تعاني من طول لسانها وعيونها الزايغه على الرجال).. احسن لان البيت مليان مو مثل بيتي كانت تسرح وتمرح

اعطيها اي احد من قرايبك وعلميهم عيبها او اي احد وافتكي من وجع الراس لان اللي تجيها الجرائه تمد يدها وهي مالها الا 5 شهور ذي اجل وش بتسوي بعد ماتخلص سنتين اكيد بتطلعكم من البيت من بلاويها..

الله يعوضك عنها خير ويرزقك بوحده احس منها ياكريم