آآآآآآآآآآآآآآآآآآآآآآآآآآآآآآآآآآآآخ على الاندونيسيه وبس راحت وياويلي من خياس الحبوش :icon33:

بالنسبة لي يا اخوات جبتها وندمت اشد الندم على استقدامها اول ماجتني ماتعرف شئ ابد وعلمتها وصبرت عليها واذا عطيتها شئ تاكله تكشر في وجهي وكانها هي اللي تصرف علي قلت ماعلي منها اهم شئ اعاملها بما يرضي الله لكن في الشغل تشتغل صح
ولاترفض اي شئ اقوله
وبعد شهرين قالت ابي 3 رواتب
قلت كيف تبين 3 رواتب وانتي ماشتغلتي الا شهرين وقامت تصيح تقول ابي 3 شهور قلت لا مافيه وخليتها تكلم المكتب اللي قدمت منه وكلمها وصارخ عليها ورمت السماعه في الارض قالت اوكي بعد شهر تعطيني راتب 3 شهور كامله قلت نظاما لازم اخلي راتب على الاقل عندي رفضت قالت لا مستحيل اخلي شئ ومر شهر وجت تطالب براتبها قلت لها البطاقات اللي كلمتي بها عليك وكنت كل مره تكلم اهلها اقول لها خلي البطاقة معاك علشان تعرفين بكم كلمتي في خلال 3 شهور كلمت ب 200 ريال وغير اللي انا اعطيها من عندي يابنات تبي كل اسبوع تكلم
المهم عطيتها الراتب
ومن استلمت الراتب قالت ابي جوال
قلت من اول متفقه معاك مافيه جوال والمكتب معلمك قالت لا ابي جوال واخليها تدق علي المكتب وقال لها مافيه جوال وهذا شرط من شروطهم في عقد الاستقدام قالت مكتب اثيوبيا يقول لا من حقك الجوال ودخلت معها في دوامه الجوال
الزبده : قلت لها بشتري لك جهاز وشريحه خاصة لك واي اتصال يجيك بعطيك خبر قالت اوكي
تخيلو في اليوم 50 اتصال داخلي وخارجي

ومن يوم تكلم اثيوبياتنقلب ذاك اليوم وتقول انا ابي اروح اشتغل ب 2000 ريال يا سلام!!!
ومعترفه بعد ، ومن جهلها تقول لي انتي وش دخلك خليني اروح اشتغل ب 2000 انتي وش لك عندي راتبك مابيه خليني اروح...
قلت لها كيف يعني !!!
قالت :وديني بيت وقولي لهم راتب 2000ريال مثل اخت انا !!1
واللي يقهر والله المكرويف والخلاط والمكنسه والممسحه كلها تكسرت ؟
وزوجي ما يدري كيف بقول له انها كسرت كل اجهزتنا
شريت بكل حافز اجهزة من جديد
والله الكاسات والصحون كسرتها
وطبعا بعد 4 شهور قالت انا ما اشتغل عند اخواتك ولا اهلك ولا لي دخل اذا رحتي لااهلك انا بجلس بس اكل !!!
انا جايه لبيتك انتي مااشتغل عند اي احد
قلت اوكي لاتشغلين
اخر شئ زودتها قالت راتبي شوي ولافيه جوال انا ابي اروح مكتب يغير البيت
؟؟؟؟؟؟
المهم رفعت ضغطي وودتها المكتب وهاوشها وقال انتي مجنونه ؟؟؟
قالت انتم كذابين ابي اكلم مكتب اثيوبيا !!!
وصبرت عليها وعلى دلعها وعلى كل اللي تسويه معي انا جايبتها ابيها تريحيني والله يابنات ما شفت الراحه كل بيتي وصخ وريحته قرف وهي ريحتها شنيعه مع اني كل يوم اعلمها لكن تلتزم كم يوم وبعدين ترجع
هذا كله كوم والسحر كوم
في يوم من الايام رحت لاهلي ونمت عندهم كم يوم ودخل ابوعيالي غرفتها لانه بيغير كل سخانات الحمامات مصديه المهم دخل وشاف الحمام وصخ ومرمي فيه اوراق وفيه عقد معلقه علي مواصير السخانه واخذها وودها للهئيه قالو هذا سحر واللي مسويته ساحره تقصد به لبسه وطلب ماتريد واللى امامها ينفذه نسيت وش سماه
وجت الهئيه وشافت الحمام قالو خادمتكم ساحرة
ومن عقبها كرهت الخدم
الصراحه الاندونيسه اهون منها فيها جوانب تشفع لها الاثبوبيه مافيها ولا جانب
وانتبهو ترى فيهم ساحرات كثير ولايبين عليهم
اناماشكيت ولا للحظة انا ساحرة

الله يكفينا شرهم يارب ويغنينا عنهم

عن تجربة شهرين لانها حقت عمتي النظافه لك عليها كانت طيبه ماتتحمل غثى الاطفال كانت تسوي كل شي نطلبه منها بس بطيئه طبيعة اكلهم قريب منا يعتمدون ع اللحوم والدقيق بانواعه كانت امينه ... بس طاقتهم مايتحملون الكرف زي شرق اسيا يعني الي بتاخذهم لازم تعرف هالقاعده عشان ماتعب هالمسكينه الي متغربه على لقمة عيشها واذا ماتتحمل لا تقدم منهم وتقول بعودها على طبعي وهنا تبدأ المشاكل

أنا جبت كم مرة منهم 
أول شي تعبت إلاما فهمت عليهم وفهموا علي 
هم مساكين حياتهم بدائية جداً لدرجة إن فيه منهم ما تعرف تطفي النور ولا تسكر على عمرها باب الحمام غير عدم معرفتهم بركوب السيارة والتطور بعموم
طريقة تعليمهن شوي صعب لكن مع الصبر بيعرفن
بعضهن ما خذن شهرين لثلاثة إلا عرفن الكلام وبعضهن طولن شوي 
هن ما يحبن أحد يصرخ عليهن يعني غلطت كلميها بهداوه وقولي لها خطاها وبعدين لازم تكونين حازمة في الكلام موب صراخ وهواش لا كلام حار ومفهوم
النظافة تتعبين لين يعرفون إلا من رحم ربي جبت وحده لو أدري إنها لترجع برجعها ما حد يصدق إنها أثيوبية نظيفة لدرجة ما تتصور في كل شي الملابس المطبخ المكان اللي هي فيه حتى في نفسها
الطبخ لهن نفس فيه لكن مع التعليم المستمر وأخليهن يكتبن كل شي حتى المقادير والتكرار

التنظيف كانت وحده منهم عجازة شوي لما ما تنظف زين مثلا المجلس تنظيفه إسبوعي فلما أشوف خطا أخليها تعيده لكن المكان الوسخ وأعلمها ليه 
الملابس حبه حبه لين يفهمن خصوصا المبيضات والصابون 
الترتيب يمشي حاله لازم أكون على راسها في ترتيب الملابس والدروج

جاني صغار وكبار الصغار أفضلهم لأنهم يخافون ويتعلمون وهاديات الكبيرة الوحيدة اللي جتني عاقلة وحنون لكن ما تحب تأمرينها على شغلة زائدة إلا إذا المود مكيف يا عيني بتشيلك شيل

هن مزاجيات بدرجة فظيعة يعني تصبح ما فيها شي فجأة تقلب وتكون معصبة ومنتفخة أخليها إذا خبرت إن ما أحد زعلها وهي من نفسها تفش
أكثرهن عزيزات نفس إذا أحد أعطاهم إكرامية لشغلهن عنده يرفضن وبقوة

وفيه شي أي شي يفرحهن إذا أعطيتهم لو شي بسيط يشوفونه كبير عندهم ويتعاطفن مع الواحد
أكرميهم وكديهم للشغل ما شاء الله عليهن لكن بأصول ما تحمليهن فوق طاقتهم 

مرة ولدي عمره تسع سنين الله يصلحه تضارب معها وضربها موب قوة لكن مهما كان لو مكانها أنا لأصفعه وعلموني عيالي رحت عندها وتأسفت منها ورديت عاقبت ولدي لأنه غلطان عليها وهي تعرف ما أبيها تحقد عليه ونفس الوقت حرام هن جن يشتغلون موب ينضربن 

إذا تذكرت شي بأخبركم لأن أكثر اللي عندنا أثيوبيات 
أخواتي عاملوهم بالطيب وإذا شفتيها ما تنفع أعطيها المقسوم وسفريها من دون مشاكل وهواش
ترى الوحدة ما تعرف يمكن ظالمتهم لأن حياتهم مختلفة كليا عنا و تتقين شرها وكل جنسيات الخدم بعد 

السان طويل خوذي
تجادلك باتفه الاسباب
ماتحب تؤمر
تنادينه تعاندك لمده دقائق
مادري وش تحس فيه
النظافه يفتح الله
الزبده الله يعينك عليهن