🇸🇦السعوديه🇸🇦 :

هلا يا تقى. الله يمتعك بالصحه والعافيه والقوه يارب. نفس الشي تقى بقوله ترى هي مسألة تعود ومع الوقت تنسين وجودها تمامًا في البيت. معد تحاتين وش سوت ووش ماسوت تكون عارفه شغلها تأديه ثم تروح غرفتها. ومعك حق في سالفة إن البعض يرمي عليها كل شي بس حاليًا والله معد تقدر الوحده تجبرهم على شي. معهم جوالاتهم ويتواصلون مع سفاراتهم ومكاتبهم بكل سهوله وترى غالبيتهم يهربون مهو من الشغل أو تعبه لا للأسف فيه سوق سودا كبيره لهم عندنا سماسره ارقامهم مع كل الشغالات الي يجون للمملكه. مجرد ما توصل وتلقا فرصه تهرب بدال ماتآخذ منك راتب ١٥٠٠ أو١٠٠٠ تآخذ ٢٠٠٠ في الشهر. أو يشغلونهم بنظام الساعه يعني معليهم من الحلال والحرام. ومنهم من تخاف الله وتجلس عندك وتأدي عملها وحنا صرنا نتغاضى عن كثير أمور. معد ندقق. الأسر الي عندها مسنين أو أطفال مريضين لازم يكون فيه زيادة خدم. والأسر الكبيره والي عندهم إستطاعه يكون فيه طباخه ويكون المطبخ عليها. وباقي شغل البيت يكون في عاملات ثانيات. خلاصة رايي الي أكيد مهو هو القول الفصل إن العامله نعمه من ربي تفكك من الإجهاد وروائح المنظفات ونشوفة الأيدي وتريحك نفسيا.

هلا يا تقى. الله يمتعك بالصحه والعافيه والقوه يارب. نفس الشي تقى بقوله ترى هي مسألة تعود ومع...