الخادمه اصبح ووجودها لدى البعض ضرورى اما لكثرة الاعمال المنزليه او مرض او عجز واصبحنا نمسى ونصبح على مشاكل هم جزء منها ونحن كذلك(علاقات محرمه*سحر*تعذيب اطفال) وقد يكون الغلط من الخادمه وقد يكون منا
1- بعض النساء تظن ان الخادمه هى نفسها المربيه وتجعل الخادمه تقوم بالعملين معا (اذا عجزتى انتى عن القيام بمسوليتك كام فمراح تلقين احد يقوم بدورك ابد واذا كانت عندك ظروف يمكن توليتها جزء صغير من مسوليه طفلك والباقى لك اما كل المسوليه فغلط فهناك نساءلا شغل ولا مشغله والطفل فى يد الشغاله حتى النوم معها
2-بعض النساء تضن انا الخادمه فقط اداة للعمل بدون احاسيس ومشاعر(تلبس ملابس تكشف اكثر مما تستر امامها بحجه انها فى منزلها*وبعض الازواج يعيش حياته وكانه لايوجد من يشاركهم منزلهم)
3-غرفه الخادمه يجب ان تكون وسط البيت وفى مكان نستطيع رويه من يدخل ويخرج منه(بعض الاسر تكون غرفه الخادمه فى الملحق ولو تنفجر قنيله ذريه عندها محد درى)
4-الخادمه ليس لها علاقه بالابناء الذكور(لاتحط له عشاء ولا تجيب ماء)(نظرة فسلام فموعد فلقاء)
5-تنظيف غرف الاولاد فى وقت يكون جميعا خارج البيت
6-تقليل دخول الابناء للمطبخ(وش فائدة الاخت المصونه هى الى تجيب لهم احسن وافضل وفى الحركه بركه بدل الحركه بدون فائدة تحت مسى القوام الممشوق)
7-محاوله قدر الامكان تغطيه الشغاله عن الرجال الاجانب(تراها مسلمه زيها زينا والحجاب مو لنا فقط لاتقولون صعبه قريبتى تغطيها فى البيت عن زوجها)
8-احسان معاملتها وعدم ارهاقها بالعمل(ترى والله العظيم يتعبون زينا ولا بعد يمرضون ويمتون زى باقى البشر:p)
9-تعليمها امرو دينها وجلب الكتب لها(تامنين شرها وتكسبين اجرها)
10- اذا خرجتى خذيها معك افضل ولا تخلينها فى البيت لوحدها (ترى هم يحسون يبغون يفرحون وخاصه فى المناسبات هذى ميزة ثانيه تاكد انهم من فصيله الجنس البشرى:eek:)
واخيرا عامليها كما لو كنتى مكانها ومن اجل الله ولاتظلمينها فى شئ وتذكرى وقفتك امام الله انتى وهى (بكذا راح ترتاحين )