الخاطب خرج و لم يعد تعالو نناقش الموضوع

تدرين عندنا مااااااااافي شى اسمه ..نظره شريعيه ...او يمكن فيه بس دس والخش ...وتكون مضمون الملكه .

احنا عندنا بلغالب ..تكون الصدف الشوفه ...او تكو بلغلط ...وطبعا يروح يزن براس اهله ..يخطبون ..له .

بس النظره الشرعيه ..محد يطلبهاا .

يعي انا لواخطب لخوي ماعطي الناس خبر ...لا اسويهاا زياره عاديه ...واشوف البنت ...وقول لخوي.

ويوم الملكه كلنااا نروح ولي ماشافتها تشوفهااا .

كذا احسن ...

لااله الاالله محمد رسول الله

وعليكم السلام ورحمة الله

ياعزيزتي خليها على ربك والنصيب ماراح يرده حد لا الأهل ولا الخاطب نفسه ..
أكثر ماغثني شوفة أهل الخطيب خصوصاً إني من النوع إللي ما أحب الترزز قدام الغرب وبالقوة أوافق
على إنهم يجون يتفرجون على السلعة هل هي بتعجبهم أولا ! وتعالي شوفي التدقيق تحسينك
ماودك تتنفسين لا ينتقدون النفس ويقولون الشهيق أطول من الزفير !!
ثم يشوفك الخاطب وبعدها لا حس ولاخبر وأهلك طاقينها فرحة ووناسة وأخواتك المتزوجات يعلمونك
عن الزواج ويثقفونك << متحمسين ربي يهديهم وواحنا على نار القلق وشوي شوي تنكسر نفسك
بخبر إن مافيه نصيب .. يالله لك الحمد زين إنهم ردوا يبيلهم بس حبة على روسهم ..
بعد كذا بردت والله ومايهمني تجي أمه ولا أهو ولا أخواته بالطقاق متى ماجا النصيب حياه الله
وأستقبلهم مثل ما أستقبل عمتي أو خالتي بطبيعتي ولا أشغل تفكيري بشيء اسمه خطبة ولا زواج
تعقدنا وكرهنا طاري الخطبة بسبب هالعادة المقيتة وأحياناً أقول وش فرقنا عن البقر اللي للبيع أستغفر الله والله يكرم السامعين
مرة قريت هنا إن اخوها يقول للبنت امشي يبي يشوف أردافها ..الحمد لله لهالدرجة وصل تفكير شبابنا
الأم تبي وحده مهزوزة شخصية وجاية بجلابية طالعة خيوطها علشان ينبان الكرف والأخت تبي وحده ستايل وهاي ودلع وتميلح والأخ يبي مؤخرة وبياض وطول وشعر
طالع بالمراية ثمن تعال تشرط يا بو الشباب .. ولا لاجاك واحد مايدخل مع الباب من سمنته ويقول أبي رشيقة
ولا لا قالت الأخت المصون البنت حلوه وكشخة أخاف تخلص فلوس أخوي وتغطي علينا وياما سمعتها من معارفنا وقريتها هنا الله يهديهم
ارحموا من في الأرض يرحمكم من في السماء وخفوا شوي على بنات خلق الله ..
الحمد لله مانقصنا لاجمال ولا أخلاق ولا سناعة ومن قرايبي ملكات وكلنا نعاني من هالمشكلة
لكن مانقول إلا نصيب ولحد الآن ماجاء اللي يستاهلنا .. مالنا إلا الدعاء وعسى ربي مايرزقنا إلا بأزواجنا ..

المسألة ياقلبي راحة وماتخص الشكل والأخير مجرد حجة للرفض لما مايكون فيه راحة بينك وبين الخاطب ولاننكر إن للأهل
دور كبير سواء في نجاح الخطبة أو فسادها وعسى ربي يهديهم لكل خير
عن نفسي باردة لكن أهلي حسيتهم متضررين من هالشيء ومابي لهم القلق وضيقة الصدر ..
ربي يسعدهم دنيا وآخرة ..

شكراً لك حبيبتي ..

من جد فترة صعبة
والله من يوم يتصلو تصير الحياة قلق
حتى بعد الملكة وبعد الزواج وبعد العيال
ما في غير انك تتوكلى على الله
وتعرفي انك مراح تاخذي غير نصيبك
وتدعي الله فقط
بس من جد فترة صعبة
وانا بصراحة اتمني انو اهل العريس يردو حتى لو ما كان في نصيب
من انهم ينحاشو كده طبعا نيتهم ما يبغو احراج بس احراج ولا القلق والانتظار

أميرة الحلا عاداتكم جميلة
زيزي أشكر مرورك
سكون مشاركتك جميلة
الأمل الأخير شكرا لك و أشكركن جميعا على المشاركة مع أمنياتي لكن بالتوفيق