اصايل نجدية @asayl_ngdy
عضوة نشيطة
الخبر اليقين عن الميزوثرابي وال بي جي و الثيرماج
السلام عليكم ورحمة الله وبركاته
اخواتي العزيزات بعالم حواء
انا من اكثر المهتمين بالقراءة والاستفسار عن كل من
ال بي جي
ثيرماج
ميزوثرابي
وبعد قناعه من استفسارات قدمت لاطباء عن طريق الانترنت او منتديات اخرى
قررت اسال الدكتور عبدالله العيسى
كان عند اختي اليوم موعد عنده لبشرتها قلت خل اروح واستفسر
ان مدح حجزت وتوكلت على الله
بالبداية استشرته بالثيرماج
تدرون وش قال
قال لاااااااااااااااااا
كثير من الدراسات الامريكية اثبتت فشله
وممكن ينجح مع فئة قليله ونادرة بنسبه لاتذكر ولاتلاحظ الا من قبل خبير بشرة
وعنده صور حقيقية غير مفبركة للمؤتمرات الي حضرها وشارك فيها في الخارج عن هالجهاز
لكن من جد انصدمت
سالته طيب ليش غالي
قال هكذا هو الطب اول مايطلع جهاز يطير ليحصد جيوب الناس من الطبقات الغنية
الى ان يأتي جهاز اخر يثبت انه افضل
قلت طيب خلنا من الثيرماج
شرايك بالميزوثرابي لازالة السلولايت
قال هذي اكبر خدعه ممكن تخدع المرأة ونتايجه نفسيه فقط وما ياثر على السيلولايت
لكن لان الي تعملها تسوي معاها رجيم عشان ماتخسر فلوسها تنغر بالنتايج
ماتدري ان النتايج الي حصلت عليها من الرجيم والرياضه مو من الابر نفسها
سكت ضاق صدري
قلت طيب دكتور وال بي جي
قال
هذا بالذات تعباااااااااااااااااااان ماله اي فايده
لاتخسري فلوسك على شي نتايجه تتعلق برياضه ورجيم
قلت طيب وش السواة
قال شوفي
انا كل الاجهزة موجوده عندي ثيرماج ، ال بي جي ، ابر ميزوثرابي
لكن ما احب قلت لك الحقيقه ولو ابي استفيد استفدت منك
لكن انا بغنى عن استخدام علاج غير مجدي الا بنسب بسيطه تبان على ناس وناس لا
وما تجيب اي نتايج الا برياضه ورجيم
قلت
يعني ما فيه امل بشي للبشرة
قال افضل شي للسيلولايت والبشرة الكريمات
والرياضه
والماء
وتخفيف الوزن
غير كذا لعب على العقول
قلت له شكرا وطلعت من العيادة طايره بوهتي
هالكلام نقلته لكم والله وحده يعلم اني اقصد
النصح لكل انثى
تطمح للنحافه او ازالة السلولايت او صفاء البشرة
لاتضيع فلوسها وتألم جسمها وتضيع وقتها
على شي كذب ويبعه للأسف اطباء مأتمنون على صحة المريض
لكن حسافة لاصارت الفلوس كل شي
حتى بمهنة الطب
هذا الي صار بالضبط
تمنياتي لكم بالتوفيق
10
6K
يلزم عليك تسجيل الدخول أولًا لكتابة تعليق.
أم الفلا
•
بصراحه
انا اول وحده جربت ال بي جي وجاااااااب معي نتيجه روعه
لكن ةانا تراني موب سمينه انا بس عندي منطقة الارداف بارزه شوي
وسويت معاه رياضه وخففت اكلي واستخدمت ال بي جي والحمدلله
اردافي خفت حتى المؤخره اللي كانت بارزه وتفشل خفت كثيييييير
وباقي لي 4 جلسات
انا اول وحده جربت ال بي جي وجاااااااب معي نتيجه روعه
لكن ةانا تراني موب سمينه انا بس عندي منطقة الارداف بارزه شوي
وسويت معاه رياضه وخففت اكلي واستخدمت ال بي جي والحمدلله
اردافي خفت حتى المؤخره اللي كانت بارزه وتفشل خفت كثيييييير
وباقي لي 4 جلسات
صفووءة
•
مشكوووووووووووورة انا اؤيد هذا الكلام فيما يخص الميزوثيرابي للسيليوليت ، وال بي جي كمان ، جربتهم وخسارة فلوس عالفاضي
جزاك الله خيرجزاك الله خير
جزاك الله خير انتي والدكتور الامين ورزقة من حيث لايحتسب
الصفحة الأخيرة
ودمتي