حياك الله ام خالد وان شا الله تنبسطون
بالنسبه للخبر على طريق الدمام وقبل (الراشد مول) وهو مركز تسوق كبير ومعروف وراقي فيه( مرسانا) مثل ما قالت وحده من الاخوات وبجنبه كثير من الشقق المفروشه جديده وشكلها من برا حلو (ما عندي خبر بأسعارها او شكلها من الداخل)...
**********
المجمعات التجاريه :
1- الراشد مول _____ الخبر، حلو مره ويشمل الدور الارضي ماركات والدور الثالث مطاعم وجلسات عائليه وكوفي شوب والعاب اطفال ، وعلى نفس الطريق سوق قباء ومركز (سيتي بلازا ويشمل دور ثاني هوم بلازا للاثاث)
2-فؤاد سنتر على كورنيش الخبر بجانب فندق ميريديان، فيه محلات تجاريه مو واجد وداخله قرية الا لعاب للاطفال وفوق يشمل محلات تجاريه ومطاعم وجلسات عائليه بشكل مو كبير مثل الراشد....
3- المخازن الكبرى في الخبر تشمل مطاعم وكذا محل تجاري وبعدها تدخلين داخل مثل السوبر ماركت...
4- الواحه مول _____الدمام
وعلى امتداد كورنيش الخبر فيه مطاعم وجبات سريعه ومطاعم اخرى مثل (داجن) ومطعم صيني و(تشيليز) وعلى الجانب الثاني فيه محلات تجاريه (ماركات ) مثل زارا والود وبرومود وفيه مطعم هندي اسمه (كوبر شندني) قبل ما تدخلين الكورنيش لا يفوتك البرياني حقهم روووووعه....
***********
اما البحرين فيه مجمعات مثل :
1-السيف حلو وكبير ونظيف
2- العالي فوق فيه مطعم الابراج حلو...
3- جيان (داخل مجمع البحرين)
4-الدانه صغير ...
والمطاعم :
1- جريل لاند (قدام مجمع السيف) حلو مره ونظيف ويشمل جلسات عائليه مريحه وساتره واكلهم لذيذ..
2- مرمريز شكله حلو وجلسات عائليه مريحه ومدينة العاب واكلهم من كل مكان ( عالمي ، ايراني ،هندي، صيني) ...
واتمنى لكم اقامه سعيده ان شا الله.....
أم رينو ....... الله يسلم هالإيدين يااااااااااااااااااااااااااااااااااااااااااااااااااااااااااا رب ... والله انه زوجي حاسدني عليكم ... يقوللي حقيقي عضوات ذهب :)
أم خالد
أم خالد
الصفحة الأخيرة
أم خالد