شام :

هلا غالياتي شميت ريحة باب الحارة اجيت ركض ... شوفوا يا غاليات الصفيحة كتير طيبة وبتاخد العقل وسهلة مالها صعبة أبدا ... طريقتي : كنت اعمل عجينة من زمان على إيدي بس هلأ صرت جيب الدينر رول , وهي عجيبة خبز صمون مدورة ...مممكن كمان تستعملوا عجينة العشر دقائق بس بشرط ما تسمكوها لأن عجينة العشر دقائق بتنفش المهم خلطة الصفيحة منها نوعين نوع بالبندورة ونوع باللبن .. خلينا نقول المقادير بالنص كيلو : صفيحة بالبندورة : نصف كيلو لحمة مفرومة ناعمة غنم أو بقر ولو غنم بكون أطيب وأطيب بصلتين وسط مفرومين مع اللحمة بماكينة الكبة (( أنا احيانا ببرشهم بالبشارة الناعمة فبيطلعوا دايبين )) بندورة حبتين كبار مفرومين كمان ناعم جدا ومممكن تبشريهم بالبشارة أو تحطيهم بفرامة الخضر مع اللحمة والبصل ملعقتين وسط دبس رمان ملعقة زبدة أو لو عندك دهنة بكون أظرف بهارات الصفيحة الجاهزة ملعقة , وومكن بهارات عادية من عندك , السبع بهارات كمان ممكن , بس ما تضيفي منكهات قوية متل القرنفل والزنجبيل والهيل والكذا بغير طعمتها رشة عصفر احمر بتفركي بإيديك بيطلع ناعم بيعطيها نكهة ولون حلو صفيحة باللبن : متل الأولى بس بدل البندورة لبن , بتجيبي كاسة لبن زبادي وبتخليطها مع اللحمة وبالنهاية بتلاقي اللحمة شربت اللبن واختفى المهم تخلطي المقادير مع بعض وبتصير بتفردي العجينة بشكل مستطيل مفتوح وتوزعي عليه اللحمة بس رح تعزبك بالفرن وينزل مي وتلزق بالصينية اعمليها على شكل فطاير متل القارب مفتوحة بيمشي الحال بس ما تسمكي العجينة وما تكتري اللحمة يعني وسط ... واخبزيهم بالفرن لمدة عشرين دقيقة بالكتير وألف صحة وهنا وعافية يا رب وبتاكلي بجنبها لبن عادي يعني زبادي وصفيحة البندورة مشهورة اكتر وبحبها اكتر والف صحة وهنا على قلوبكم بس الي تعليق على الشاكرية نحنا ما منحط معها نعنع يابس لا بتتغير الطعمة هي لحمة مطبوخة مع بصل جناحات وبتنضاف فوق اللبن الرائب المطبوخ .. وبتتقدم مع الرز بشعيرية اللبن قبل ما تطبخوه بتجيبوا مصفاية سلك يعني المنخل اللي بتغسلوا فيه البقدونس وبتنزلوا اللبن فيه وبتحركوه لحتى ينزل بقلب الطنجرة , وبتدوبوا نشا شي معلقيتن كبار بمي باردة وبتنزلواهم كمان من المصفاية وهيك بكون تصفى اللبن والنشا وبتحطوه على النار وبتحركوا باتجاه واحد بس وأول ما يغلي بتنوصوا النار وبتصيفوا اللحمة وبتتركوهم شي عشر دقائق على نار وسط وما تخلوا اللبن يغلي بحمض بعدين وألف صحة وهنا وعافية واي سؤال تاني نحنا حاضرين

هلا غالياتي شميت ريحة باب الحارة اجيت ركض ... شوفوا يا غاليات الصفيحة كتير طيبة وبتاخد...

عطورات شرقيه :

لا يمكنك مشاهدة هذا التعليق لانتهاكه شروط الاستخدام.