كيفكم يابنات حواء
اليوم كنت فاضيه قلت يالله خل احرك عصاقيلي واسويلي اي طبخه
وطحت ع هالخبز
لايفووتكم لذيييذ بشكل وسهل ويضبط ان شاء الله 
المهم مالكم بالطويله
المقادير
1ك ونص حليب سائل
2 بيضه
4ك دقيق ابيض يمكن اقل او اكثر
بشوي حسب نوعه
1 ونص م ك خميرة فوريه
فنجان قهوة سكر
1م ص ملح
ثلث ك زيت
جبنه بيضاء وبقدونس مقطع نخلطهم مع بعض
او اي حشوه تحبيها
الطريقة
نخلط المقادير الجافة سوا بعدين نظيف السوائل
نعجنها حوالي 15 دقيقة وبعدين غطيها واتركيها تخمر ربع ساعة او نصف ساعه
ونقطعها اربع اقسام كل قسم نسوي منه 4 كور يعني تطلع عندنا 16 كوره ونغطيها علشان ما تنشف
نبدا نفرد الكورة الاولى
وندهن وجهها بزيت الزيتون
ونفرد الثانية ونحطها فوق الاولى وندهن وجهها بزيت الزيتون
برضه والثالثه والرابعة نفس الطريقه بس الرابعة ما ندهنها
وبتكون عندنا اربع طبقات ع بعض ونبدا نحشيها ونلفها زي السويسرول
ونقطعها بالسكين زي الصورة ونكرر الخطوات السابقه ليما نخلص
ونرصها في صينية مدهونة زيت ونمسح وجهها ببيض مخلوط معاه حليب سائل
ونرش عليها السمسم وحبة البركة وتخلينها ترتاح 10 دقائق وهي مغطاه بنايلون
وندخلها الفرن من تحت ثم إذا تحمرت نطفي ونشغل العين العلويه وتترك
لما تتحمر جد جد روعه وهي حاره تطير في سحيلة الراس
لو تحبين حطي عليها شيره منجد لذيذه او تقدرين تستغنين عنها
وبالهناء والشفاء
.