(*(*(*(الخبز البوري )*)*)*) بالخطوات خطوة بخطوة وطبعا بالصور

السلام عليكم ورحمة الله وبركاته
ازيكم يااحلي بنات يارب تكونوا جميعا في اسعد حال
طبعا كلنا بنحب الخبز البوري مع المشويات ومن زمان وانا نفسي اعمله لحد لما اتظبط معايا واصبح ادمان مع المشويات واحيانا الصبح مع الجبنة رائع
يللا نروح المطبخ

مقادير العجينة:2كوب دقيق-ملعقة صغيرة ملح-ملعقة صغيرةبكنج بودر-ملعقة كبيرة زيت-كوب الاربع مية
نعجن كل المقادير مع بعض كويس لحد لما تبقي عجينة طرية ومش بتلزق في اليد نسيبها ترتاح علي الاقل نص ساعة

يقسم كرات صغيرة في حجم اليوسفي او اقل علي حسب الطاسة اللي حتقلي فيها ويفضل تكون اصغر شوية علشان سهولة تقليبها

بعد لما الكرات تستريح بربع ساعة ابطط برش الدقيق ابططها لطخانة حوالي نص سم او اقل
(مهم جدا استراحة العجين في كل خطوة )

نسيبهم علي الرخامة المرشوشة يستريحوا ساعة مهم اوي الرش بالدقيق لان وقت القلي لو كان الرغيف لازق واشيله مش حيتنفخ في القلي

اجيب مقلاة غويطة فيها زيت غزير واستني لما يغلي قوي وابدا اقلي كل واحدة لوحدها

يبدا في الانتفاخ اشيل بالمغرفة من الزيت واصبه فوق الرغيف ولو مرة واحدة


بعد الانتفاخ اقلبه علشان اسوي الناحية التانية (المهم ما اسيبه )لانه مش بياخد وقت علي النار

شايفين اتنفخ ازاي وبدون خميرة والطعم جنان
عملته مع ميكس جريل :طبق مشويات مشكلة

وبالف صحة وعافية
اتمني يعجبكم ياريت تجربوه
اطمع في دعواتكم لاولادي ربنا يبارك فيهم
مستنية الردود الحلوة
اللهم لك الحمد كما ينبغي لجلال وجهك وعظيم سلطانك