مسويه لكم اليوم خبز اللبناني ع الصاج
بالخطوات المصوره ان شاءالله تستفيدون منها
نبدا باسم الله
المقادير\3ك طحين+ملعقه ونص ك خميره فوريه+3ملاعق سكر+ملعقه ملح+وماي علي حسب الحاجه
نعجن الطحين ومو شرط تخليه في هذي المرحله تتخمر
تكورينه وتبدين تفردينه
وتخليه يرتاح شوي وهو مفرود
بعدين تحطي ع الصاج اول ما تحطينه خليه ثواني واقلبيه
واتركيه يستوي شوي واقلبيه مره ثانيه وخليه لين ما ينفش
وصوره ثانيه
وهني بعد ما خلصت
ان شاءالله عجبتكم الطريقه سهله وسريعه
ولا تنسوني من الدعوات الصالحه
ملاحظه مهمه حبيباتي اهم شي علشان تنفش معاك الخبز لازم ترتاح وهي مفروده يعني افردي 3او4 خبزات بعدين ابدي حطي اول واحد ع الصاج