السلام عليكم ورحمة الله وبركاته
اليوم جايبتلكم اكلة طيبة وخفيفة للعشا اخدت طريقتها من سنين من برنامج طبخ عالتلفزيون
وهي الخبز المكسيكي باللحم والجبن
والخبز المكسيكي او التورتيللا بنعمل بالأصل من دقيق الذرة
بس هاي الوصفة اسهل للي ما بتوفر عندها دقيق ذرة بتستعمل دقيق عادي
والخبز بكون طري ولذيذ والحشوة ممكن تنوعي فيها زي ما بتحبي انا بعملها بلحم مفروم وبضيفلها
جبنة شيدر
مقادير العجين
2 كوب دقيق منخول
2 م ص بيكنج باودر
م ص ملح
2 م ك سمن نباتي او زبدة (انا استعملت سمن كريسكو)
3\4 كوب ماء دافئ
مقادير الحشوة
لحم مفروم
بصلة كبيرة مفرومة ناعم
جبن شيدر مبشور
ملح فلفل
زعتر ناشف( اوريغانو)
شايفين المقادير بسيطة جدا وصدقوني الطعم طييييييييييييييب
الطريقة
بنخلط المكونات الجافة مع بعض وبعدين بنضيف السمن
ونفرك السمن مع الدقيق حتى يصير متل هالشكل
وبنحصل على عجينة متماسكة بنغطيها وبنتركها
ولاحظي انو العجين ما بتحتاج تخمير ما فيها خميرة بس بنتركها ترتاح افضل
بندبل البصلة بالزيت
بنضيف اللحم المفروم بعد غسله وبنقلب
نبشر جبن الشيدر خشن انا استعملت جبنة المراعي بس حسيت برايد اطيب
لما تستوي اللحمة بنضيفلها الملح والفلفل والزعتر الناشف انا وزجي بنحب طعم الزعتر فكترت منو
بنقلب اللحمة مع البهار وبنطفي تحتها
حبيباتي لا تردوا لحتى يكمل الموضوع
بنرجع للعجين بنقسمها 8 قطع متساوية تقريبا في الحجم
وبنرقها لكن خليها شوي سميكة يعني مش رقيقة عالاخر لانها ازا كانت رقيقة كتير لما تسويها
رح تصير مقرمشة مش طرية
ادهني مقلاية تيفال بنقطة زيت والافضل تمسحيها بمنديل كلينكس وبعدين حطي العجين وما رح تاخد وقت كتير
شيكي عليها لما تشوفيها صارت ذهبية من تحت اقلبيها عالوجه الاخر وانتبهي ما بتحتاج وقت كتير
ارفعيها عن النار وحطيها بالصحن وخليها مغطاية بفوطة المطبخ حتى ما تنشف
الافضل انك كل ما خلصتي وحدة تبدي تحطيلها الحشوة وهي طرية اول شي حطي اللحم
حبيبباتي ما تردوا ليكمل الموضوع