السلام عليكم ورحمة الله وبركاته
هلا بنات كيفكم ^_^
جبت لكم طريقتي في الخبز بالثوم ان شاء الله تعجبكم
المقادير :
خبز فرنسي تلاقي منه طويل وتلاقي صغار انت اختاري الي تحبينه
جبنه كاسات
جبنه موزريلا
شوي زعتر
حبتين ثوم تكفي لخبزه طويله
اصباع زبده 100غرام
بقدوس حسب الرغبه مقطع صغير
الطريقة
اول شئ تذوبي الزبده وبعد ماتطفي النار وهي ساخنه تحطي الثوم بعد بشره والبقدونس كمان عشان تختلط النكهات مع بعض
بعدين تقطعي الخبز بالسكين الخاصه بالخبز القاسي الي تجيك مشرشره
وهذه السكين حلوه لكل الاشياء القاسيه
تقطعينه على شكل مائل او ممكن تخلينها بطولها بس تقطعينها نصين وبعد الطبخ تقطعينه لقطع صغيره
يعني انت وذوقك في التقطيع
حجم القطعه تكون نحيفه يعني اصباع ونص تقريبا^_^ احسن من العريضه
الان اول شئ ندهن الخبز من الامام والخلف بالزبده المخلوطه بالثوم مجرد دهن فقط
بس لوماقطعتيها على شكل مائل بس خليتها بطولها بس تدهنينها من الامام
ثاني شي تحطي مسحه خفيفه من الجبنه الكاسات من الجهه الي فوق فقط
ثالث شئ تحطي جبنه موزريلا وكثري شوي
وبعدين ترشي شوي زعتر
وتدخلينها الفرن تذوب وتتحمر فقط من فوق
تقدم ساخنه
وبس ^_^
ملاحظه
الطريقه الاصليه لهلخبز تكون بدون جبنه كاسات
ممكن الاستغناء عن الزعتر والبقدونس او استبدالها بالكزبره
سواء خلطها بالزبده او رشها على الوجه
يمكن استخدام جبنه بارميزان بدال الموزريلا او خلطها كلها مع بعض
ممكن استخدام الخبز الصامولي بدال الفرنسي << لكن مايجي اطعم بصراحه
هموما طريقتي هذه اشوفها اطعم شئ ^_^
دعواتكم لأمي وأبوي بالجنه
ولجميع اموات المسلمين
أميرة رمادي ^_^