الخبيرااااااااات في دابر املا مطلوبات بسرعه

هلا بنات شخباركم ؟؟

الله يسلمكم من كثر ما اقرى عن دابر بالمنتدى قررت استخدمه .. والسبب :

1- ابي شعري يصير اكثف << طماعه

لأن احس ان كثافة شعري عاديه وانا ابيه كثيف وايد مو كثيف عادي ..

2- الله يسلمكم شعري اول اسود ، ومن لقافتي اختي مره سوت هايلات جان اسوي معاها ومره صبغت شعرها بالبيت جان اتليقف واخذ الي بقى واحطه بشعري، عاد لونه مادري جنه احمر.. ومن عقبها لون شعري صار مادري شلون يعني بني غامج على املح هههه وابي شعري يرد لونه مثل اول ، والدابر مثل ماقريت يسوّد الشعر :42:

( لا تقولون حنه لأن اكرهها ، ولا صبغ لأني اخاف من هالاشيا وماحطيته غير مرتين لقافه )

3- ابي شعري يطول بسرعه ،، لأن بعد من اللقافه .. اول شعري كله بوي واخر مره طولته ووصل لي تقريبا نص العظمات الي فوق بالظهر الي جنهم صحن .. بس مادري مره وحده مليت منه و شفت جم وحده قاصين قصات بووي بنوتيه وعجبتني القصه جان اتليقف معاهم هههه

المهم مابي اطول عليكم ..

عقب ماقريت عن دابر بالمنتدى اتصلت بالبقاله قبل شوي (حتى اخوي يقول لي شنو هنديه الساعه 1:30 متصله حق دابر ههه )
والمهم اني شريته وحطيت منه ..

بس سؤاااااااالي اهو اشلون شكل الاصلي ؟؟؟

لأن احس انه مو اصلي ، اول شي الي عندي لونه خضر وريحته زينه مو مثل ماسمعت عن خياسه، واهو مو وايد ثقيل ، وعلبته بلاستيك والغطا اخضر زيتي .. ومكتوب ان صنع في الامارات (الشارقه) ..

تكفوون قولوا لي هذا اوكي استخدمه او لا ؟؟

انا سألت الهندي قال ( اي هذا اهسن واهد) قلت له اكيييد؟ جان يعصب ويقول (اي انتا مافي شوف اينديا جيرلز كله شأر شلون) :hahaha:

شتنصحووني اواصل عليه او لا ؟؟

لأن انا الزيت اقدر انتظم عليه، الخلطات مستحيـــــل ماحبهم خخخ ..


وسؤال ثاني ،، زيت الحشيش سألت عنه قبل بس محد رد علي .. اشلون شكل الاصلي والي استخدموووه اشكر يطول؟ واهو يغلظ الشعر او لا ؟؟
وبالبحرين موجود او وين بالظبط ؟