الخبيرات اللي يولدون ببدايه تاسع الله يخليكم دخلواااا

حبيبتي أنا في بناتي الحمدالله ما أكمل التاسع و أولد في بدايته

المهم انتي بكريه و اللي تحسينه هو الطلق الكاذب طبيعي جدا و راح يستمر معاج ليما نهاية الحمل و ترى لما تجي الولادة الحقيقية راح تعرفين لأن هالألام ما راح تسوى شي جنب الآلام الحقيقية

ارتاحي و لا تحاتين و عادة البكرية تخلص شهرها و تاكل من العاشر جم يوم بعد!

اذا شاكة تقدر الدكتورة تسوي تخطيط للطلق و تشوف اذا طلق حقيقي و الا كاذب

بالسلامة ان شاءالله

اختي سارونه ادري انه طلق كاذب بس انتي مافهمتي قصدي

اقصد هل يمكن لان الالام جاتني بدري بثامن يمكن اربي ببدايه تاسع مثلا

لان كل مااقول حق حد عن المغص يقولي شكلج بتولدين ببدايه تاسع اذا يجيك من اللحين

فحبيت اسئل اللي يجيهم المغص يكملون تاسع كله والا يولدون قبل ؟

مشكورة على مشاركتج

وعن تخطيط طلق اروح لهم والمغص فيني

والا اشلوون؟ اخذ موعد واروح اخاف وقت موعد مايجيني المغص

up

حبيبتي سمعت عن ناس المغص بلش معاهم من أول الثامن و ما ولدو الا آخر التاسع يعني مو شرط
على التاسع راح تسوي لج الدكتورة فحص داخلي و تشوف في توسع والا لأ!

أنا في بنتي الثانية ما كان يجيني طلق كاذب قوي و كنت أوكي بس لا اله الا الله و لدت في الاسبوع 36 يعني حتي ما كملت اسبوع من شهري! و في بنتي الاولى طلوق ذبحتني من أول الثامن وولدت في الاسبوع 38 يعني بنص التاسع قبل اسبوعين من موعدي! و خصوصا البكر ما تعرف

وكلي الله و اللي بيصير بيصير

التخطيط تروحين و انتي عندج مغص في الحوادث مالت المستشفى و تقوليلهم عندي ألم و أنا في الثامن! و كاجراء روتيني راح يركبون الجهاز على بطنج و يشوفون الطلوق حقيقية والا كذب!