الخبيرات بالتمور شتحطون على التمر

أنا عن نفسي ماأحط شيء .. أحب آكله زي ماهو

لكن فيه ناس يحطون عليه طحينية سائلة خاصة بالتمر ..

تباع عندنا في السعودية

أنا أهلي يجيبونها من القصيم هم المشهورين فيها .. ماشاء الله

وفيه ناس ينثرون عليه إقط (جميد) مطحون

وفيه ناس يشيلون نواة التمره ويحشونها بحبة لوز وحلاوة طحينية

وبعدين يصبون عليه توفي أو خلطة نستلة مع كيري

هذا اللي أتذكره حالياً :)

أما إذا قصدك انك بتكنزينه .. فما عندي خبره

الله يجزيكي الخير اختي ما قصرتي بس انا قصدي للتخزين علشان ريحته تكون حلوه دايما يقولون نحط بهار على التمر بس وشو هو ما ادري انا طماعه مادم انك من القصيم ممكن تسالين لي ولك الاجر

لا والله يالحبيبة مانيب من القصيم :D
أهل القصيم إذا بغوا يكنزون التمر السكري يحطون ذرررررررررة ملح
لكن أتذكر ناس من قاربينا يحطون يانسون وناس يحطون كمون
بس نكهاتهم قوية .. أنا عن نفسي ماحبيتها

وياليت البنات يفيدونا :)

ياهلا اختي ,,

السمسم مايصلح يطول في التمر لأنه بعدين بسرعه يسوس بالتمر .. بس إذا تحبين السمسم سوي لك كم كيس وحدديهم علشان تاكلوهم اول شي ..

لكن عننا حنا .. بعد ماننظف ونغسل التمر ونتركه يجف مضبوط يومين .. نرش عليه قبل مانحطه في الأكياس ( زنجبيل مطحون وحبة حلوه ) ورشي بعد في الكيس نفسه شوي ..

وبس رصي التمر في الكيس واربطيه وخليه مرصوص فوق بعض لما يبداً يدبس .. وخليه اسبوع وتتهني

فعلاً ذكرتيني .. ياغزال الحبارى

أنا أم زوجي الله يذكرها بالخير .. ترش شوووووي زنجبيل

سمعت ترا ســـمـــعـــت ناس يرشونه بشوي عصير ليمون بس مانيب متأكدة!!