الخبيرات بالخدم بفيدوني شغالتي ترفع الضغط والسكر

السلام عليكم
انا عندي شغالتي جديدة لها شهر هي فلبينية واول مره تشتغل رافعة ضغطي تنظيفها مو دقيق ويروح صوتي وانا اكرر عليها تعيد التنظيف والطبخ تستغبي مو راضية تتعلم اعيد الطبخة عشر مرات ومافي فايدة وهذاك اليوم تقولي انا ما احب الطبخ قلت ليش اجل كاتبة بالعقد انك راضية تطبخين قالت لا بس تنظيف انا بيتي شقة يعني تنظيفه مو تعبني كثر طبخ الوجبتين وسناك واذواق عيالي المختلفة بالاكل والا كان ماقدمت عليها حتى عيالي والله ماتمسكهم مالها عذر وانا ماعندي وقت عيالي مشاءالله حركيييين واااجد وخلقهم ضيق وبس يبكون يعني جبتها عشان ارتاح وهي ماريحتني حتى اغلب وقتها بغرفتها تتهرب وبطيئةةةة ساعة تنظف الحمام الواحد
الحين ضغطي مرتفع رجعت اعيد لها الطبخة للمره المليون وانا توني متروشة وعيالي ذروة ازعاجهم هالوقت والله تقطعت بينهم ارسلت لها مقاطع يوتيوب قلت مقدر اعلمك كل شي شوفي اليوتيوب وتسلك لي ما تشوف اليوتيوب وعطيتها دفتر وقلم تكتب كل شي ومافاد تخيلو حتى الرز اللي هي وجبتهم ماتعرف تطبخه وهي ام وعندها عيال شكثرهم صرت اكرهها من حركاتها وطايحة بكلمة يس مدام تقولها وهي تمطمط فيها على كل كلمة اقولها لها طلبت منها عشرين مره تكتفي بيس وترفض ماتعدل.. وجوالها يتنقل بالبيت وانا اكثر من مره اقول بس بغرفتك الجوال وماتسمع الكلام
ايش الحل معها افيدوني ربي يجزاكم خير